မင်းတုန်းမင်း
( ပုံကို cmsmdy.blogspot.com မှ ကူးယူဖော်ပြသည်။ )
သီပေါမင်း
( ပုံကို my-myitkyina.blogspot.com မှကူးယူဖော်ပြသည်။ )
ကျွန်တော့အမှားကို ကွန်မန့်ရေးပြီး ထောက်ပြရင်း လင့်ပါ ပေးထားခဲ့တဲ့အတွက် သမိုင်းပညာရှင် မကြန် ( ဒေါ်ကြန် ) ရဲ့ " ရတနာပုံ ဒေါင်းဒင်္ဂါး " စာတမ်းကို " မြန်မာ့ သတင်းဆက်သွယ်ရေး နည်းပညာအဖွဲ့ " https://www.myanmarisp.com မှာ သွားဖတ်ရတယ်။ ကွန်မန့် ရေးပေးခဲ့တဲ့ အမည်မဖော်လိုသူကို သိပ်ကျေးဇူးတင်တယ်။
အဲဒိ ဆိုဒ်မှာ သမိုင်း/ သုတေသန ဆိုင်ရာ ဆောင်းပါး အတော်များများတင်ပေးထားတာ တွေ့ရပါတယ်။ တချို့စာတမ်းတွေကဖြင့် ခုချိန် အပြင်မှာ ဝယ်လို့ရမယ် မထင်။ ကျွန်တော့အတွက်တော့ အဖိုးမဖြတ်နိုင်တဲ့ စာကြည့်တိုက် ဖြစ်လို့ ရှေးမြန်မာကို လာတဲ့သူများ အဲဒိဆိုဒ်ကိုလည်းသွား လို့ညွန်ပါရစေ။
ကုန်းဘောင်မင်းဆက်တွေထဲက နောက်ဆုံးမင်းဆက်နှစ်ဆက်ဖြစ်တဲ့ မင်းတုန်းမင်း နှင့် သီပေါမင်း တို့ဟာ ကုန်းဘောင်ဆက်ဘုရင်တွေထဲမှာ အချမ်းသာဆုံးမင်းတွေလို့ အသေအချာ မပြောနိုင်တောင် " ငွေအသုံး အင်မတန်ကြမ်းတဲ့ မင်းတွေ " လို့ ပြောချင်တယ်။
မင်းတုန်းမင်း လက်ထက်အထွေထွေ ရောင်းဝယ်မှု တန်ဖိုး တစ်နှစ်ကို ပျမ်းမျှ ပေါင် သုံးသန်း ရှိတယ်။ သီပေါမင်း လက်ထက်မှာ ပျမ်းမျှ ပေါင် သုံးသန်း နှစ်သိန်း ဖြစ်လာတယ်။ ဒါဟာ စာရင်းအတိကျမဟုတ်သေးပါ။ ဒိထက်ပိုနိုင်တယ်။ အင်္ဂလိပ်ကုန်သည်တွေ အရောင်းဝယ်ပျက်တယ်လို့ စွပ်စွဲတဲ့ ၁၈၈၃-၄ ခုနှစ်မှာတောင် သုံးသန်း ငါးသိန်းဖိုး ရောင်းဝယ်ဖြစ်တယ်။ အဲလို ရောင်းဝယ်မှုတွေကရတဲ့ အကောက်အခွန်တွေ ဘုရင့် ဆီဆက်သွင်းရတယ်။ ၁၈၆၅ ခုနှစ် ကနေစတွက်ရင်ဘဲ ၁၈၈၅ ခုနှစ်အထိ အနှစ် ၂၀ ကာလအတွင်း ဗြိတိသျှသုံး ပေါင်ငွေ သန်း ၆၀ ကျော် ကုန်သွယ်မှု မှ အခွန်ငွေတွေ မြန်မာဘုရင့်ဆီရောက်ပါမယ်။
" ရတနာပုံ ဒေါင်းဒင်္ဂါးများကို မင်းတုန်းမင်း (၁၈၅၂ - ၁၈၇၈) လက်ထက် သက္ကရာဇ် ၁၂၂၇ (၁၈၆၅) ရတနာပုံ ဒေါင်းဒင်္ဂါး စက်ရုံ၌ စတင် ခတ်လုပ်သည်။ နိုင်ငံတော် ခေတ်မီ တိုးတက်ရေး အတွက် တည်ထောင် လုပ်ဆောင်သော လုပ်ငန်းများ အနက် အရေးပါသော လုပ်ဆောင်ချက် တရပ် ဖြစ်၏။ အစဉ်အလာ သုံးစွဲနေခဲ့သော အတုံးအခဲ အသပြာ စနစ်ကို ဒင်္ဂါးများ သွင်းလုပ် ထုတ်ဝေ အစားထိုးခြင်းဖြင့် ရောင်းဝယ်ရေးတွင် ပဓာနကျသော ငွေကြေးစနစ်ကို ပြုပြင်ခဲ့သည်။ " လို့ မကြန်ရဲ့ စာတမ်းမှာ ရေးထားတယ်။ သမိုင်းဆရာတွေ မြင်ထားတဲ့ ဒီအချက်ကို ငြင်းစရာမရှိ။ အခြားစက်ရုံတွေ အမှန်တကယ် တိုးတက်တယ်။ သို့သော် ဒင်္ဂါးစက်ရုံမပါ။
ရတနာပုံ ဒင်္ဂါးတွေဟာ ထုတ်လုပ်စမှာ တိကျပြီး အရည်သွေးစံချိန်မှီတယ်။ အင်္ဂလိပ်အစိုးရ ဒင်္ဂါး နှင့် မြန်မာ ဒင်္ဂါးတန်းဖိုး တူတယ်။ သို့သော် နောက်ပိုင်းမှာတော့ အမှုထမ်းအရာရှိတွေအပါဝင် စက်ရုံဝန်ထမ်းတွေ အကျင့်ပျက်လို့ ဒင်္ဂါးတွေ တိကျမှုမရှိတော့သလို အရည်သွေးစံချိန် မမှီတော့ပါ။ မြန်မာ ရတနာပုံ ဒင်္ဂါးသုံးစွဲမှု တရားဝင်ငွေကြေးအဖြစ်မှ ရပ်စဲခံလိုက်ရတဲ့အထဲမှာ ဒီအချက်ဟာလည်း သိပ်အရေးပါတယ်။
ငွေကြေး ဒင်္ဂါး ထုတ်လုပ်ပုံ ၊ တန်ဖိုး နှင့် အရည်သွေးစံချိန် ထိမ်းသိမ်းပုံ ၊ အုပ်ချုပ်ပုံ ဥပဒေသ စတာတွေကို အင်္ဂလန် နှင့် အိန္ဒိယ ကနေ သင်ယူနည်းခံ ခဲ့လို့ " မူ " ကောင်းသော်လည်း " လူ " မကောင်းလို့ ရည်ရှည်မခံ။
မင်းမိန့် နှင့် ရတနာပုံ ဒင်္ဂါးတွေကို စတင်သုံးစွဲစေရာမှာ " တိုင်းကြီး ပြည်ကြီးအင်္ဂါရပ်နှင့် အညီ ခရိုင် နိုင်ငံတော်အတွင်း အနှံ့အပြားသုံးစွဲကြရ၏ " လို့ရွှေနန်းသုံး ဝေါဟာရအဘိဓာန် မှာဖော်ပြထားတယ်။ သို့သော် ရတနာပုံ ဒင်္ဂါးတွေ စသုံးပြီဆိုရင်ဘဲ ကုန်းဈေးနှုန်း မူလထက် ပိုလာတယ်။ အရပ်စကားနှင့် ပြောရရင် ဈေးကြီးလာတယ်။ ဒါကို စာဆို ဦးပုညက " နှစ်ပြားတန် ကြွယ်ထမင်းရယ်နဲ့ ၊ သည်လည်ပင်း ကြိတ်လို့သာမြို " လို့ ရွဲ့ပြီးရေးတယ်။
မင်းတုန်းမင်းဟာ စက်ရုံက အတိုင်းဆမရှိ ထွက်လာတဲ့ ဒင်္ဂါးတွေကို အသုံးပြုပြီး မင်းမှုထမ်းတွေရဲ့ လုပ်ခလစာတွေကို တိုးပေးတယ်။ ဆုတော် လာဒ်တော်တွေပေးတဲ့ အခါ စက်ရုံထွက် ဒင်္ဂါးတွေသုံးပြီး ရှေးကထက် ပိုပေးတယ်။ အင်္ဂလိပ် ၊ ပြင်သစ် ၊ ဂျာမန် ၊ တရုတ် နှင့် ကုလား ကုန်သည်တွေက ကုန်ပစ္စည်းတွေကို အဆမတန် ဈေးတင်ပြီးရောင်းရာမှာ အဓိက ဝယ်သူ ( Buyer )ဟာ ဘုရင်နှင့် မိဖုရားတွေ ကြီးစိုးတဲ့ နန်းတွင်းသာဖြစ်တယ်။
ငွေကြေးအဖြစ် ဒင်္ဂါးတွေကို အသုံးပြုလာတဲ့အခါ ရောင်းဝယ်မှုလုပ်ရာမှာ ရှေးကထက် ပိုမြန်ဆန်လွယ်ကူလာတယ်။ စုဆောင်း ထိမ်းသိမ်းရတာ လွယ်ကူပြီး ကြာရှည်ခံတဲ့တွက် ပြည်သူ ပြည်သားတွေကလည်း အသာတကြည်လက်ခံ သုံးစွဲကြတယ်။ သို့သော် အုပ်ချုပ်ရေး နှင့် လူနေမှုစနစ်မှာ လာဒ်ပေး၊ လာဒ်ယူမှုတွေ ပိုများလာတယ်။ အကျင့်ပျက်ဝန်ထမ်းတွေ ပိုများလာတယ်။ ရာဇဝတ်မှုတွေ ရှေးကထက်ပိုများလာတယ်။
အချုပ်အားဖြင့်ပြောရရင် ထိမ်းချုပ်မှု စနစ်တကျမရှိ တဲ့ ငွေကြေးစနစ်ကြောင့် မြန်မာလူနေမှုစနစ် သိသိသာသာ ပျက်ယွင်းလာတယ်။ ဒါကို အချုပ်တန်း ဆရာဖေက " ဗြဟ္မစိုရ်လေးမည် ၊ မတည်ကြည် ကုန်ကင်းလို့ ၊ ငွေအရင်းမင်းမူသည့်တာ၊ တင့်တယ်လှပါ၊ လူရေတတ်မျက်နှာငယ်၊ စက္ကဝါနယ်ဝန်းသို့လေး " ဆိုပြီးရေးခဲ့တယ်။
မင်းတုန်းမင်း ကို သာသနာပြုမင်းရယ်လို့ ဆိုကြတယ်။ စက်ရုံထွက် ဒင်္ဂါးတွေသုံးပြီး ရဟန်းနှင့် ကျောင်းတိုက်တွေကို လှူဒါန်းမှုတွေလုပ်ခဲ့တယ်။ အဲဒိအချိန် ခန့်မှန်းခြေ ခြောက်သောင်းကျော်ခန့်ရှိတဲ့ ရဟန်းတော်တွေကို စာသင်၊ စာချ အစပြုလို့ ကြီးငယ် ဝါစဉ်အလိုက် ရဟန်းတစ်ပါးလျှင် အနည်းဆုံး ၂ ကျပ် ကနေ အများဆုံး ၅၀၀ ကျပ်အထိ ကျောင်းတိုက်တွေကို ထောက်ပန့် လှူဒါန်းမှုတွေ လုပ်တယ်။ အချို့ဆရာတော်များက မကြိုက်ပါ။
မဟာဝိသုဒ္ဓါရာမ ဆရာတော်က ရဟန်းတွေ ဒေါင်းခွက်ခံရသလို မသင့်တော်လို့ ရေးရာမှာ " မိုးလေးချုပ်လို့ ပြန်ချိန်တော်၊ မြတ်စွယ်တော် ပေါ်သည့်ချောင်းမှာ၊ ဒေါင်းတွေကအော်။ ဒေါင်းအော်ရင် လူကြိုလွတ်ပါ့၊ ပျိုတို့မောင် ဝါဝါဝတ်ကို ဒေါင်းခွပ်ချည့်လေး " လို့ရေး ခဲ့ တယ်။
သီပေါမင်း လက်ထက်မှာ အရပ်ရပ် စီးပွါးကုန်သွယ်မှုတွေ ပိုများလာလို့ အခွန်တွေပိုရလာတယ်။ ထို့အတူ ဘုရင့် နှင့် မိဘုရားတို့ရဲ့ ကိုယ်ပိုင် အသုံးစရိတ်လည်းပိုများလာတယ်။ ကုန်သည်တွေကြားမှာ မြန်မာဘုရင်ဟာ အသစ်အဆန်းပစ္စည်းတွေအတွက် အသုံးဖြုန်းကြီးတယ်လို့ ပြောစမတ်ပြုကြတယ်။
အမှတ်တံဆိပ်အသစ်တွေနှင့် ငွေဒင်္ဂါးတွေ ပိုထုတ်သုံးလာတယ်။ စက်ရုံထွက် ဒင်္ဂါးတွေအားကိုးနှင့် ကျောက်စိမ်းလုပ်ငန်း ၊ မိုးကုတ် ပတ္တမြားလုပ်ငန်းတွေကို ဘုရင့်စီးပွါးရေးလုပ်ငန်းအဖြစ် ပြောင်းဖို့လုပ်တယ်။ မအောင်မြင်။
နိုင်ငံခြားပြန် သံအမတ်တွေရဲ့ အကြံပေးချက်အရ စက်ရုံထွက် ဒင်္ဂါးတွေ အသုံးချဖို့ရာ " ထီ " ရုံတွေ ဖွင့်တယ်။ သောင်းစုထီတွေ ပေါက်တဲ့အခါ စက်ရုံထွက် ဒေါင်းဒင်္ဂါးတွေထုတ်ပေးတယ်။
မင်းတုန်းမင်း လက်ထက်ကနေ သီပေါမင်း လက်ထက် အထိ ထုတ်သုံးလာတဲ့ ငွေဒင်္ဂါးတွေရဲ့ တန်ဖိုး နှင့် အရေတွက်ကို စနစ်တကျ ထိမ်းချုပ်ဖို့ ဥပဒေ မရှိ။ တိကျတဲ့ စာရင်း ဇယားမရှိ။
ငွေဒင်္ဂါးစက်ရုံက စတင်ထုတ်လုပ်တဲ့ ၁၈၆၅ ခုနှစ်ကနေ ၁၈၈၅ ခုနှစ်အထိ အနှစ် နှစ်ဆယ် အချိန်ကာလအတွင်း မြန်မာဘုရင် နှစ်ပါးဟာ ငွေဒင်္ဂါးအရေတွက် ၃၆သန်းကျော်၊ တန်ဖိုးငွေ ၂၈ သန်းကျော် ထုတ်သုံးခဲ့တယ်။
