4/19/11

မန္တလေး နန်းတွင်းကျောက်စာရုံ

လမ်းပေါ်ကနေ လှမ်းကြည့်ရင်မြင်နေရတဲ့ ကျောက်စာရုံ


မန္တလေးရောက်တဲ့အခါ လူတိုင်းနီးပါးက စာထဲမှာသာဖတ်ဖူးတဲ့ ရှေးက နန်းတော်ကြီးကို တအံ့တဩကြည့်ကြသည်ပေါ့။ မင်းတုန်းမင်းကို သတိရရင်ရမယ်၊ သီပေါမင်းကို သတိရချင်ရမယ်။ ဘာဘဲဖြစ်ဖြစ် တွေးလို့ ငေးလို့ကောင်းတဲ့ အတိတ်ကို အောင့်မေ့ကြသည်ပေါ့။ မန္တလေး နန်းတော်ကြီးနှင့် မန္တလေးအကြောင်းရေးထားတဲ့ စာတွေ၊ကဗျာတွေကလည်း များမှများ။ ရှေးကမြို့တွေမှာ မြို့တည် ၊ နန်းတည် ကဗျာ ၊ ရတုတွေရှိပေမယ့် မန္တလေးဟာ စာအတင်ခံရဆုံး ၊ အရေးအများဆုံးပါ။


ဒေါက်တာသန်းထွန်းက မန္တလေး ရက်စွဲသမိုင်း ကိုပြုစုတဲ့အခါ ' မဟုတ်က ဟုတ်ကတွေရေးရင် သတ်ပစ်မယ် ' ဆိုပြီး ခြိမ်းခြောက်စာပို့သတဲ့။ အဲလောက် သဲသဲလှုပ်မန္တလေးကိုချစ်ကြတာ။ မန်းလေးကိုဒီလောက်အသားပေးလွန်းတော့ ကပ်ရက် မင်းနေပြည်တော်တွေဖြစ်တဲ့ အမရပူရ ၊ အင်းဝ ၊ စစ်ကိုင်း စတဲ့နေရာတွေက သမိုင်းဝင်အဆောက်ဦးတွေ တဖြည်းဖြည်းမှေးမှိန်လာတယ်လို့ဆိုချင်ပါတယ်။


မန္တလေးရောက်တဲ့အခါ နန်းတော်ထဲသွားလည်ပြီး တောင်ကြည့် မြောက်ကြည့်လုပ်လေ့ရှိပေမယ့် ၊ နန်းတော်ရှေ့ လမ်းမကြီးဘေးတင်ကပ်ရက်မှာရှိတဲ့ ကျောက်စာရုံထဲကိုတော့ စိတ်ဝင်တစားသွားကြည့်တဲ့လူ ရှိချင်မှရှိမယ်။ မရှိဘူးလို့ပြောတာမဟုတ်ပါ။ ဘိုးတော်ဗဒုံမင်း လက်ထက် အနယ်နယ်အရပ်ရပ်က ယူလာတဲ့ မူရင်းကျောက်စာတွေရယ်၊ ဆင့်ထိုးကျောက်စာတွေရယ်၊ စပ်ထိုးကျောက်စာတွေရယ် စုစည်းထားတဲ့ နေရာလေးပါ။ ကျောက်စာရုံနှစ်ရုံရှိတယ်။ ကျောက်စာရုံထဲအမြဲလာတာ ဘယ်သူကမွေးထားမှန်းမသိဘဲ လွှတ်ကြောင်းထားတဲ့ နွားရယ် ၊ အဲနားက ကလေးတချို့ရယ်။ နွားကတော့ ကျောက်စာရုံဝင်းထဲ မြက်ပင်တွေဝင်စားတယ် ၊ စာလို့ဝရင် လျှောက်လမ်းပေါ် အစာစွန့်တယ်။ ကလေးတွေကတော့ အပျင်းပြေဝင်ဆော့ကြတယ်။



ကျောက်စာရုံအတွင်းပိုင်း မြင်ကွင်း


ဘေးကပ်ရက်က နောက်ထပ်ကျောက်စာရုံသို့


ကျောက်စာရုံ နောက်တစ်ရုံ


ကလေးတွေ လက်ဆော့သွားတာ။

အလကားနေရင်း လူကြီးတွေ လက်ဆော့သွားတာ။


စစ်အတွင်းက ဗုံးဒါဏ်ကြောင့် ပျက်စီးသွားတာကို နားလည်ပြီးဖြေလို့ရတယ်။




ဒီဘက်အစိုးရလက်ထက်ရောက်မှ ဘာအကြောင်းပြချက်မှ မရှိဘဲ ပျောက်ပျက်သွားသည်ဆိုတာကိုတော့ လုံးဝနားမလည်ပါခင်ဗျာ။ ရှေးဟောင်းသုတေသနဌာန နှင့် လူတွေ အသုံးမကျလို့ ပျောက်ပျက်သည်လို့ ပြောင်းရေးရင်ကောင်းမယ်။




ဒီကျောက်စာကို တမင်မြောင်းဖုံးလုပ်လိုက်လား ဒါမှမဟုတ် သူ့ဖာသာသူလဲသွားလားမပြောတတ်ပါ။ ကျနော်မ-ကြည့်ပေမယ့် သိပ်လေးတော့ မ-မရဘူး။ ပြန်မယ့်နေ့ ညနေဘက်ကြီးသွားဖြစ်တာဆိုတော့ အချိန်မရပါ။ ဒီကပြီးရင် ကားပေါ်မတက်ခင် ဘုရားကြီးအနောက်မုဒ်က နံရံဆေးရေးတွေဓာတ်ပုံရိုက်ဖို့ကျန်သေးလို့ အမြန်ပြေးရသေးတယ်။ မန္တလေးကိုချစ်တဲ့လူတွေ လုပ်ပေးနိုင်ရင်သိပ်ကောင်းမယ်။ ကျောက်စာကမြောင်းဖုံးလို ဖြစ်နေတော့ ဝင်ဆော့တဲ့ကလေးတွေက တက်တက် နင်းပြီးဆော့တာဆိုတော့ ကြာရင်ပျက်စီးသွားမှာဘဲ။

4/18/11

မြန်မာပြည်ရှိ ပြတိုက်များစာရင်း

အမည်မဖော်လိုသူတစ်ဦးပေးသွားတဲ့ မှတ်ချက်အပေါ်မူတည်ပြီး မြန်မာပြည်မှာရှိတဲ့ ပြတိုက်စာရင်းကို ကြိုးစားလုပ်ကြည့်ပါတယ်။

အက္ခရာစဉ်အလိုက်
၁။ ကျိုင်းတုံ ယဉ်ကျေးမှုပြတိုက
်၂။ ကျောက်တော် မဟာမုနိပြတိုက်
၃။ စလေရုပ်စုံကျောင်း ပြတိုက်
၎။ စစ်တွေ ဗုဒ္ဓပြတိုက
်၅။ စစ်တွေ ယဉ်ကျေးမှုပြတိုက်
၆။ စစ်ကိုင်း ဗုဒ္ဓပြတိုက်
၇။ ညောင်ရွှေ ဗုဒ္ဓပြတိုက်
၈။ တကောင်း ရှေးဟောင်း သုတေသနပြတိုက
်၉။ တောင်ကြီး ယဉ်ကျေးမှု ပြတိုက်
၁၀။ ပခန်း ရှေးဟောင်း သုတေသနပြတိုက်
၁၁။ ပုဂံရှေးဟောင်း သုတေသနပြတိုက်
၁၂။ ပုသိမ် ယဉ်ကျေးမှုပြတိုက်
၁၃။ ပဲခူး ရွှေမော်ဓောဘုရားပြတိုက်
၁၄။ ပဲခူး ရှေးဟောင် သုတေသနပြတိုက် ( အမြဲတမ်း တံခါးပိတ်ထားပါသည် )
၁၅။ ဗိဿနိုး ရှေးဟောင်းသုတေသနပြတိုက်၁၆။ ဘုတလင် ဗုဒ္ဓပြတိုက်
၁၇။ မန္တလေး ယဉ်ကျေးမှုပြတိုက်
၁၈။ မြနန်းစံကျော် ရွှေနန်းတော် ယဉ်ကျေးမှု ပြတိုက်
၁၉။ မြစ်ကြီးနား ယဉ်ကျေးမှုပြတိုက်
၂၀။ မြောက်ဦး ရှေးဟောင်းသုတေသနပြတိုက်
၂၁။ မော်လမြိုင် မွန်ယဉ်ကျေးမှုပြတိုက်နှင့်စာကြည့်တိုက်
၂၂။ ရွှေဘိုရှေးဟောင်း သုတေသန ပြတိုက်
၂၃။ လွိုင်ကော် ယဉ်ကျေးမှုပြတိုက်
၂၄။ သရေခေတ္တရာ ရှေးဟောင်းသုတေသနပြတိုက်
၂၅။ ဟံသာဝတီ ရှေးဟောင်း သုတေသနပြတိုက်
၂၆။ ဟားခါး ယဉ်ကျေးမှုပြတိုက်
၂၇။ အမျိုးသားပြတိုက် (ရန်ကုန်)
၂၈။ အမျိုးသားပြတိုက် (နေပြည်တော်)
၂၉။ အင်းဝရှေးဟောင်း သုတေသနပြတိုက်



အထက်ပါ ပြတိုက်တွေဟာ ရှေးဟောင်းသုတေသန၊ အမျိုးသားပြတိုက် နှင့် စာကြည့်တိုက် ဦးစီးဌာနလက်အောက်မှာရှိတယ်လို့သိရပါတယ်။ ၂၀၁၁ ဧပြီ ၁ ရက်မှစ၍ စနေ၊ တနင်္ဂနွေရက်များကို ပြတိုက်ဖွင့်ရက်အဖြစ်သတ်မှတ်မှာဖြစ်ပါတယ်။ ပြန်တမ်းဝင် ရုံးပိတ်ရက်များကို တနင်္လာနေ့နှင့် အင်္ဂါနေ့ တိုင်းတွင် ပိတ်ရက်အဖြစ် သတ်မှတ်တော့မည်ဖြစ်ကြောင်း သိရပါတယ်ခင်ဗျာ။



ရှေးမြို့တော်ဟောင်းတစ်ခုဖြစ်တဲ့ ဟန်လင်းမှာ ပြတိုက်ရှိ/မရှိ ကျနော်မသိပါ။ သိတဲ့လူများ ကူညီဖြည့်စွတ် နိုင်ပါတယ်။ တချို့ Private Collector ဟာလည်းဘဲ ပြတိုက်တမျှစုဆောင်းပြသတတ်ပါတယ်။ အချို့ ဘုန်းတော်ကြီးကျောင်းတွေဟာလည်းဘဲ ဗုဒ္ဓဘာသာဆိုင်ရာရှေးပစ္စည်းတွေကို ပြတိုက်တမျှ အရေတွက်များများစုဆောင်းပြသထားတတ်ပါသေးတယ်။

4/14/11

ပျောက်ကွယ်ပျက်စီးသွားတော့မည့် ရှေးလက်ရာများ







ရောက်ခဲ့ဖူးတဲ့ ရွာဘုန်းကြီးကျောင်းနဲ့ မလှမ်းမကမ်းမှာရှိတဲ့ ဘုရားပျက်တစ်ခုပါ။ အဝေးကကြည့်ရင် ချုံတွေအပင်တွေကွယ်နေတဲ့အတွက် အောက်မှာဂူပါမှန်းမသိသာပါ။ အင်္ဂတေလက်ရာတွေအနီးကပ်ကြည့်ဖို့ရာ ချုံတိုးပြီးသွားတော့မှ မြေကြီးထဲစကြွံဝင်နေပြီဖြစ်တဲ့ ဝင်ပေါက်ကိုတွေ့တယ်။







4/3/11

အိမ်ရှေ့မင်းနန်းတော်ဝင်ပုံ။ ။

အိမ်ရှေ့မင်းနန်းတော်ဝင်ပုံ။ ။ အိမ်ရှေ့မင်းသည် ညီလာခံဝင်သည်မှတပါး ဧကရာဇ်မင်းမြတ် ရှေ့တော်သို့ ဝင်လို၍ ရွှေနန်းတော် ဝင်လာသည့်အခါတိုင်း တောင်စမုတ်အနောက် တတာခန့်အကွာတွင် အရှေ့အနောက် ၂၁- တောင် ၂- မိုက်၊ တောင် မြောက် ၉-တောင် ၂-မိုက်ရှိ ကွန်းထောက်နန်းတော်မှာ ခေတ္တစံတော်မူရသည်။ အိမ်ရှေ့ဘုရား ဝင်တော်မူလာသောအကြောင်းကို မိန်းမစိုးက ဧကရာဇ်မင်းမြတ် ရွှေနားတော်ကြားတင်လျှောက်ရသည်။ ထိုအခါ ရှေ့တော်သို့ ဝင်ရန် အမိန့်တော်ရှိသဖြင့် အိမ်ရှေ့မင်းလည်း ဧကရာဇ်မင်းမြတ် စံတော်မူရာ အဆောင်တော်သို့ ဝင်ရောက်ခစားရသည်။

နောင်တော် ပုဂံရွှေနန်းရှင်ဘုရား ရွှေနန်းတော်သို့ ဝင်တော်မူလာလျှင်လည်း ယင်းသည့် ကွန်းထောက်နန်းတော်တွင် ခေတ္တစံတော်မူပြီးမှ မိန်းမစိုးတို့က ဧကရာဇ်မင်းမြတ် ရွှေနားတော်ကြား လျှောက်ထားရသည်။ ထို့နောက် ပုဂံရွှေနန်းရှင်ဘုရား ညီတော်ရှိရာသို့ ထွက်တော်မူလာရာ ညီတော်မင်းတရားသည် အဆောင်တော်ဦးမှ ဒူးပဆစ်တုပ်ပျပ်လျက် ရှိခိုးလက်ယှက်ခါ ကြိုတော်မူသည်။ (ယခု ကွန်းထောက်နန်းတော်ကို အင်္ဂလိပ်မင်းလက်ထက်မှာ နံ့သာနန်းတော်ဟူ၍ မှားယွင်းစွာ ကမ္ပည်းရေးထိုးထားသည်။ နံ့သာနန်းတော်ကား မြောက်စမုတ် တောင်ဘက်မှာ ဖြစ်သည်။ ယခုအခါ ဖျက်သိမ်းရာပါသောကြောင့်မရှိချေ။ သို့ရာတွင် နန်းတော်ကြီးပုံစံ ပြုလုပ်ထားရာ၌ ၎င်းနံ့သာနန်းတော်ကလေး ထင်ရှားရှိသည်)။


(ရွှေနန်းသုံး ဝေါဟာရအဘိဓာန် ကျမ်းစာပါ မူရင်းအတိုင်း ပြန်လည်ကူးယူဖော်ပြသည်။)