ရွှေမန်းဆီသို့ တစ်ခါ တစ်ခေါက်ဖြင့် ရောက်စေချင်သည် ............
ဒီသီချင်းကို ကျွန်တော့ အမေ အိမ်မှာနေရင်း အမြဲလို ဆိုညည်းတတ်နေတတ်လေ့ရှိလို့ မန္ထလေးကို ကျွန်တော်ငယ်ငယ် ကတည်းက ပုံဖော်ကြည့်ဖူးပါတယ်။
တကယ်တော့ကျွန်တော့အမေ ဟာ သူဆိုဆိုနေတတ်တဲ့ အဲဒိသီချင်းထဲက မန္ထလေးကို နောင် နှစ်အတော်ကြာမှ ရောက်ဖူးခဲ့တာပါ။ အမေပြန်ပြောပြတဲ့ မန္ထလေး ဟာ သီချင်းထဲက မန္ထလေးနှင့် တူနေခဲ့ပါတယ်။
နောင် နှစ်အတော်ကြာမှ ကျွန်တော်လဲ မန္ထလေး ကို ရောက်ဖူးခဲ့တာပါ။
အဲဒီအချိန်မှာတော့ အမေ့သီချင်း ၊ အမေအားပါးတရ ပြောပြခဲ့တဲ့ မန္ထလေး နှင့် မတူတော့ပါ။
မန္ထလေး ရောက်တိုင်း ဂေါဝိန်ဆိပ်၊ တောင်သမန်အင်း နှင့် မင်းကွန်းဘက်ကို အရောက်သွားလေ့ရှိပါတယ်။ မေရော ကျွန်တော်ပါ မန္ထလေးဇာတိ မဟုတ်ပါဘဲ မန္ထလေးကို ချစ်တဲ့သူတွေဖြစ်နေခဲ့တာပါ။
ဒီလိုနှင့် မန္ထလေး နှစ် ၁၅၀ ပြည့်ရောက်လာ တဲ့ မန္ထလေး အကြောင်း စာရေးဆရာတွေ ရေးတာကို ပြန် ဖော်ပြချင်ပါတယ်။
မန္ထလေး သမိုင်းကို ရသဆန်ဆန်ဖတ်ချင်တယ်ဆိုရင်ဖြင့် ဆရာ မြသန်းတင့်ရေး
" တောင်သမန်ရွှေအင်းက လေညင်းဆော်တော့ " ဆောင်းပါပေါင်းချူပ်ကို ဖတ်စေချင်ပါတယ်။
သမိုင်းဆန်ဆန် ၊ စာတမ်းဆန်ဆန် ဖတ်ချင်ရင်တော့ ဆရာ ဒေါက်တာသန်းထွန်းရေး
" နယ်လှည့်ရာဇဝင်" ပေါင်းချူပ်ကို သာဖတ်ပေတော့။
ဆရာမြသန်းတင့်ရဲ့ " တောင်သမန်ရွှေအင်းက လေညင်းဆော်တော့ " စာအုပ်အဖွင့်မှာ ရေးထားတာက
" မန္ထလေး ဟာ ဂရိ ဒဏ္ဍာရီထဲမှာပါတဲ့ ဖီးနစ် ငှက်နဲ့တူတယ်။ ဖီးနစ်ငှက်ဟာ ပြာပုံထဲက ပြန်လည်လန်းဆန်းနုပျိုလာသလို မန္ထလေးဟာလည်း ပြာပုံထဲက ရုန်းထပြီး နုပျိုလန်းဆန်းလာတာချည်းပဲ "
ကျွန်တော်သည် မန္တလေးတွင် မွေး၍ မန္တလေးတွင် ကြီးပြင်းလာသူတစ်ယောက် မဟုတ်သည့်တိုင်
မန္တလေးကို သဘောကျပါသည်။
အရှေ့ဘက်တွင် မှိုင်းပြာနေသော ရှမ်းရိုးမ တောင်တန်ကြီး ၊
အနောက်ဘက်တွင် ဝိုက်ခွေစီးဆင်းနေသည့် ဧရာဝတီမြစ်ကြီးနှင့် တကွ
စေတီပုထိုး တို့ ဖွေးဖွေးဖြူလျက်ရှိသော စစ်ကိုင်းတောင်ရိုး၊ မြောက်ဘက်တွင် မန္တလေးတောင် နှင့် ရန်ကင်းတောင် စသည် ဆွတ်ပျံ့ဖွယ် ပတ်ဝန်းကျင် ကြောင့်လည်းဖြစ်ကောင်းဖြစ်ပါလိမ့်မည်။
မြို့ရိုး ၊ ကျုံးမြောင်း ၊ ပြသာဒ် စသည့် အတိတ်က ခမ်းနားမှုကို လွမ်းဆွတ်နေသောကြောင့် ဖြစ်ချင်ဖြစ်ပါလိမ့်မည်။ မြန်မာ့ယဉ်ကျေးမှု အမွေအနှစ်တို့ ဆက်လက်ရှင်သန်ဆဲ ရှိရာ မြန်မာ့ဇာတိသဘောကြောင့် ဖြစ်ချင်လည်းဖြစ်ပါလိမ့်မည်။
မန္တလေး၏ ကိုယ်ပိုင်မူဖြစ်သော ဖော်ရွေပျူငှါမှုကြောင့် လည်းဖြစ်ချင် ဖြစ်ပါလိမ့်မယ်။
ဒီလို ဆရာ မြသန်းတင့် ရေးထားတာ ကျွန်တော့ စိတ်သဘောထားနှင့် တစ်ထပ်တည်းကျပါတယ်။
===
မြန်မာတေးသီချင်း ကဗျာလောကမှာ မန္တလေးမြို့ဘွဲ့ သီချင်းကိုတော့ဖြင့် ဘယ်မြို့ဘွဲ့သီချင်းကမှလိုက်မမှီနိုင်လောက်အောင် များပါတယ်။
နန်းတော်ရှေ့ဆရာတင် ရေးဖွဲ့ခဲ့သလို ၊ IC အငဲ ကလည်း ရေးခဲ့ပါတယ်။
မြို့မငြိမ်း ကရေးဖွဲ့သလို စိုင်းဆိုင်မောလ် လည်းရေးခဲ့တယ်။
တခြား တေးရေး၊ တေးဆိုတွေ လည်းအများကြီး ရှိပါသေးတယ်။
ဒါဟာ မြန်မာတေးသီချင်း ကဗျာလောကမှာ မန္တလေးမြို့ရဲ့ လွှမ်းမှိုးမှုပါဘဲ။
ဒါဖြင့် နိုင်ငံ ခြားသားတွေဟာရော......
မြန်မာပြည်ကို လာပြီးကာမှ မန္တလေးမြို့ ကို မရောက်ဘူးဆိုရင် လာရကျိုးမနပ်ဘူးလို့ ပြောစမှတ်ရှိလေရဲ့။
တင်နီဆင် ဂျက်ဆီ ရဲ့ သိပ်နာမည်ကြီးခဲ့တဲ့ ဝတ္ထူ " ယွန်း ခင်ခင် "
ရုဒ်ယာ့ဒ်ကစ်ပလင်းက " မန္တလေးသို့ သွားရာလမ်း "
ဂျွန်မာစတားက " မန္တလေးကိုဖြတ်သွား ရာလမ်း "
အမည်မသိ အင်္ဂလိပ် သီချင်းရေးဆရာ " မန္တလေးမြို့၏ နှင်းဆီဝါ "
ဒါကြောင့် မန္တလေးမြို့ဟာ သမိုင်း ၊ စာ ၊ ကဗျာ ၊ ဝတ္ထူ ၊ ဂီတ တွေရဲ့ မြစ်ဖျားခံရာဆိုရင် မလွန်ဘူးထင်ပါရဲ့ဗျာ။
တင်နီဆင် ဂျက်ဆီ ရဲ့ " ယွန်း ခင်ခင် " ဟာ သူ့သူငယ်ချင်း ကို မန္တလေးတောင် ခေါ်သွားပြီး မန္တလေးမြို့ရဲ့ အလှကို ပြရင်း ဒီလို ပြောခဲ့ပါတယ်.......
" ကြည့်စမ်းပါဦး ဖဲင်နီရယ် ၊ ဘယ်လောက်လှသလဲ။ မိစ္ဆာနတ်ဆိုးက အဘဘုရားသခင် ကို တောင်ထိပ်ခေါ်သွား လောကတစ်ခွင်မှာရှိတဲ့ ဘုံဗိမာန်တွေကို ပြတယ်ဆိုတာ ဒီလိုနေမှာ ပဲနော် "
.jpg)
