ဓာတ်တော်ကျုတ်

အမျိုးအစား - စေတီငယ် ပုံစံတူ ဓာတ်တော်ကျုတ်
အချိန်ကာလ - ၁၅ ရာစုနှစ်
တွေ့ရှိရာနေရာ - မြန်မာ
ပြုလုပ်ပုံနည်းပညာ - ရွှေသားကို လိုရာ ပုံစံ အရွယ်အစားရောက်အောင် ပုံဖော်၊ ရွှေဂဟေ ဆက်ပြီး မှ လိုရာ အလှဆင် ။
အရွယ်အစား - အမြင့် ၃၄.၃ စင်တီမီတာ ၊ အဝိုင်းအကျယ်( ဒိုင်ယာမီတာ ) ၃၀ စင်တီမီတာ
လက်ရှိတည်နေရာ - ဗစ်တိုးရိးယား နဲ့ အယ်ဘာတ် ပြတိုက်၊ လန်ဒန်
ပြတိုက်ပစ္စည်း အမှတ် - 02755 to C/(IS)


ရှင်စောပုဆောင်း ဗောင်းထုတ် နှင့်အတူ အတူတူ ဋ္ဌာပနာတိုက် သွင်းလှုခဲ့တဲ့ မွန်လက်ရာ စေတီငယ်ပုံစံတူ ဓာတ်တော် ကြုတ် ပါ။ ဒီလို စေတီပုံစံတူဟာ မြတ်စွာဘုရားရှင် ပရိနိဗ္ဗာန်ပြုရာ ဒေသ အိန္ဒိယ ရှိစေတီပုံစံကို တုယူတယ်လို့ ပြတိုက်ကဆိုထားတယ်။ ဘုန်းတန်ခိုးကြီးဆရာတော် တစ်ပါးရဲ့ ဓာတ်တော်ကျ ကိုလှုဒါန်းတာဖြစ်နိုင်ပါတယ်။ ပြတိုက်ကပြောတာ ဒါအကုန်ဘဲ။
===================================================================

အင်္ဂလိပ် တွေဟာ ရန်ကုန်အပါဝင် အောက် မြန်မာပြည်ကိုသိမ်းပြီးနောက် သိုက်သမား အင်္ဂလိပ် စစ်ဗိုလ်တစ်ယောက်ဟာ ရွှေတိဂုံဘုရားအောက်ခြေနားတဝိုက်က ဋ္ဌာပနာတိုက်ကိုတူးပါတယ်။ မြန်မာတွေရဲ့ ရိုးရာဓလေ့အတိုင်း ဘုရားကို လှုခဲ့တဲ့ အဖိုးတန်ရတနာတွေ အများကြီးရမယ်အထင်နှင့် တူးခဲ့ပေမယ့် ထင်သလို ရမသွားခဲ့ပါ။
အဲဒိ အင်္ဂလိပ် စစ်ဗိုလ် ရသွားတဲ့ ရတနာ တချို့ထဲက ၂ ခုပါ။ တခြားပစ္စည်းတွေရှိနိုင် ပါသေးတယ်။

ပြတိုက်က ဘာဖြစ်လို့ မွန်လက်ရာလို့ အသေအခြာ ပြောသလဲဆိုတော့ ဓာတ်တော် ကြုတ်ပေါ်က ဖောင်းကြွ အနုစိတ်လက်ရာ ကြောင့်ပါ။

ရှေးဦးမွန်လက်ရာ ကြာပလ္လင်မှာတွေမှာ တွေ့မြဲဖြစ်တဲ့ ကြာဖတ် သဏ္ဌာန် ကို အများအားဖြင့် ၁၅ ရာစုမွန်လက်ရာ စေတီတွေမှာတွေ့ရပါမယ်။

မွန်လက်ရာစေတီတွေရဲ့ ကိုယ်ထည် မှာ တွေ့မြဲဖြစ်တဲ့ ဘီလူးခေါင်း၊ ဘီလူးခေါင်းလက်နှစ်ဘက်၊ ဒါမှမဟုတ် ခေါင်းကြီး ကိုယ်သေး ဘီလူး ကိုတွေ့ရပါမယ်။ ( ဒီ ဓာတ်တော် ကြုတ်မှာ ဘီလူးခေါင်း )

မွန်တွေ အစပြုခဲ့တယ်လို့ ရှေးဟောင်းသုတေသနသမား အတော်များများကို လက်ခံထားတဲ့
" ဦးခေါင်းတစ်လုံး ကိုယ်နှစ်ခု" ခြင်္သေ့ (အများအခေါ် မနုသီဟ ) ကိုတွေ့မယ်။

အခုပြောခဲ့တာတွေဟာ ကျွန်တော်တကယ် မြင်ခဲ့တာတွေရဲ့ ၂၀ ရာခိုင် နှုန်းဘဲရှိပါတယ်။ ၈၀ ရာခိုင် နှုန်း ကျန်နေပါသေးတယ်။