သိုက်

ကျွန်တော့ ညီမအငယ်ဆုံးလေးကို မေမေ့ အသက် ၄၀ ကျော်မှာမွေးတယ်။ ကျန်းမာရေး အခြေနေအရ ကြောင့်လားမသိပါ။ ၇ လနှင့်မွေးတယ်။ လူကောင်သေးပြီး မွေးကင်းစ ကလေးငယ်ကို ဦးလေးဖြစ်သူက လက်တစ်ဖက်တည်းနှင့် ချီထားလို့ရတယ်။

ကလေးလက်မောင်းလေးတွေက ဦးလေးရဲ့ လက်ခလယ်ချောင်းလောက်သာ ရှိတယ်။ ဒီလိုလူကောင်းသေးလွန်းလို့လားမသိ ကလေးဟာ လသားအရွယ်ကတည်းက ချူခြာတယ်။ မကြာခဏဖျားလေ့ရှိတယ်။ ကျွန်တော်တို့ နယ်မြို့ဆေးရုံလေးမှာ မွေးလေ့ရှိတဲ့ ကလေးတိုင်းမှာ အသားဝါ ရောဂါကလည်း အမြဲလို ပါနေကျ။

လသားအရွယ်ကတည်းက ချူခြာခဲ့သလို ၊ ၆-၇ နှစ်သမီးအရွယ် ရောက်တဲ့အထိ အမြဲလို ကျန်းမာရေးချို့တဲ့နေလေ့ရှိတယ်။ ဒီတော့ အမေကပြောလာတယ် " နင်တို့ ညီမက သိုက်ကလာတာ " တဲ့။ " သိုက်က ပြန်ခေါ်ခေါ်နေလို့ ချူခြာနေတာ ၊ သိုက်ကြိုးဖြတ်ရမယ် " စသဖြင့်ပေါ့လေ။

ဒါပေသိ ညီမအငယ်ဆုံးလေးကို သိုက်ကလာတယ်ဆိုတာကိုယုံတဲ့သူက တစ်မိသားစုလုံးမှာ မေမေတစ်ယောက်တည်းသာ။ " သိုက် " ဆိုတာ ရွှေ ၊ငွေ နှင့်အဖိုးတန် ရတနာတွေ မြုပ်ထားတဲ့ နေရာလို့ လူကြီးတွေပြောလေ့ရှိလို့ သိထားပြီးနေပါပြီ။

ဒါကြောင့် တစ်ခါတလေ စနောက်လိုတဲ့သဘောနှင့် " ဘယ် သိုက် ကလာတာလဲ အမေ " လို့မေးတဲ့ အခါတိုင်း " သိုက်ဆိုတာ သိုက်ကပေါ့ဟဲ့ " လို့သာ ငေါက်ပြောပြောလေ့ရှိတယ်။ ဒိထက် ပိုမပြောနိုင်ရှာပါ။ " သိုက် " ဆိုတာ အဖိုးတန် ရတနာတွေ ၊ အဖိုး တန် ပစ္စည်းတွေ ရှိမယ်လို့ ယုံကြည်ထားကြပေမယ့်လို့ ဘယ်နားမှာရှိမှန်း သေချာမသိ။ သိုက် စာရင်း ၊ သိုက် သမိုင်းရယ်လို့လဲ မသိရှာပါ။

ဟိုလွန်ခဲ့တဲ့ ၁၀ နှစ်ကျော် ၁၅ နှစ် ဆီက လူပြောသူပြောများတဲ့ သိုက်တွေကို မှတ်မိသလောက် ပြန်ပြောရရင်

နတ်သိုက်

်နဂါးသိုက်

ကုလားသိုက်

ကသည်းသိုက်

တရုတ်သိုက်

ဂျပန်သိုက်

မွန်သိုက်

ရှမ်းသိုက်

်ရေသိုက်

်မွေသိုက်

အသက် နည်းနည်းကြီးလာတော့ လက်လှမ်း မှီသလောက် " သိုက် " အကြောင်းလေ့လာကြည့်တော့ စာတချို့ဖတ်ရတယ်။ ဒိထက်ပို ပြောနိုင်ရင် ကွန်မန့်ရေးခဲ့ကြပါ။ =================

မြန်မာတွေမှာ သိုက်စာဆိုတဲ့ နာမည်နဲ့ ဥစ္စာပစ္စည်း ဘယ်မှာ မြှုပ်ထားတယ် လို့ ညွှန်တဲ့စာ ၊ ရှေ့ဖြစ်ကို ကြိုပြောတဲ့ စာတွေရှိတယ်။

၁။ ဂဝံပတိ သိုက်

၂။ ငမှန်ကန်း သိုက်

၃။ ဇာဂရုနတ်စက်ရောင် သိုက်

၎။ ဗျာဒိတ်တော် သိုက်

၅။ ဘုရား သိုက်

်၆။ ဘုမ္မိယ သိုက်

်၇။ ရွှေတိဂုံ သိုက်

်၈။ သိကြား သိုက်

်၉။ အဝ သိုက်

အဲဒီအထဲမှာ ဇာဂရုဗြာဟ္မဏက သာလွန်မင်း ( ၁၆၂၉-၄၈ ) လက်ထက်မှာ ရေးခဲ့တဲ့ ဇာဂရု နတ်စက်ရောင်သိုက်မှာ အထူးစိတ်ဝင်စားစရာကောင်းတယ်။ မင်းရဲကျော်ထင် ( ဝမ်းဘဲ အင်း စံမင်း ) ( ၁၆၇၃-၉၈ ) လက်ထက် နတ်စက်ရောင်ကျောင်း ဆရာတော် စတ္တာဘိဃောသ က ဇာဂရုသိုက်မှာ ဖြည့်စွက်ပြင်ဆင်ချက်တွေလုပ်လို့ ဇာဂရုနတ်စက်ရောင် သိုက်လို့ အမည်တွင်ခဲ့တယ်။

ဇာဂရု နတ်စက်ရောင်သိုက်ကို ခရစ်နှစ် ၁၇ ရာစုနှစ်က အမှန်တကယ် ရေးခဲ့သလားဆိုတာ စစ်ဆေးကြည့်ဖို့ မလွယ်ပါ။ ( ဒေါက်တာသန်းထွန်း ၊ မြန်မာ့ သမိုင်းတွင် လောကီပညာ အရေးပါပုံ၊ မိုးဂျာနယ် အမှတ် (၁၀) ဒီဇင်ဘာ ၂၀၀၄၊၁၃၀-၁၅၉ ကြည့် )