၅- မြင်းမှူးမင်းသား

၅- မြင်းမှူးမင်းသား

မင်းညီမင်းသားတို့မှာ စစ်မက်အရေးပေါ် ပေါက်လျှင် ချီတက် တိုက်ခိုက်ရသည်။ ဤအခါ မြင်းမှူးမင်းသားဖြစ်သော ညီတော်, သားတော်က ကသည်းမြင်း, စောပွတ်အိုးမြင်း, အက္ကပတ်မြင်း, ရဲဘက်မြင်းစသော မြင်းတပ်များအနက် မြင်းတပ် တတပ်ကို အုပ်ချုပ်မှူးကွပ်၍ ချီတက်တိုက်ခိုက်ရသည်။ ထို့ကြောင့် မြင်းမှူးမင်းသားဟူ၍ အမိန့်တော်မှတ်သည်။

မင်းညီ, မင်းသားတို့မှာ စစ်မက် တိုက်ခိုက်ရန် မရှိသည့်အခါ ဧကရာဇ်မင်းမြတ် ရှေ့တော် ဝင်ရောက် ခယမ်းရခြင်း၊ နှစ်စဉ် နယုန်လဆန်း ၈-ရက်နေ့က ဝါဆိုလဆန်း ၈-ရက်နေ့တိုင် သုဓမ္မာစရပ်တော်အတွင်း ပါဠိပဌမစာပြန်ပွဲ ကျင်းပရာသို့ သွားရောက်စာနာရခြင်း၊ တစ်နှစ် လျှင် ၃-ကြိမ် ပွဲတက်ကန်တော့ခံတော်မူသည်ကို မပျက်မကွက် ကန်တော့ဝင်ရခြင်း၊ ဧကရာဇ်မင်းမြတ် အဝေးအနီး ထွက်တော်မူသည့်အခါ မင်းမထွက်မီ ရှေးဦးစွာ မြို့တွင်းက မြို့ပြင်သို့ ထွက်နှင့်ရသည်။ ဝင်တော်မူလျှင်လည်း ဧကရာဇ်မင်းမြတ် ရွှေနန်းတော်သို့ရောက်၍ အမြှောက်သံ ၃-ချက်ကြားရပြီးနောက်မှ မြို့တွင်းသို့ ဝင်ရခြင်း နည်းလမ်းများကိုလိုက်နာရသည်။

လွတ်တော်က အကြောင်းကိစ္စရှိ၍ ဆင့်ဆိုလျှင် မင်းသားကို တိုက်ရိုက် မဆင့်ဆိုရ။ မင်းသား၏ အကြီးတော် အကြီးစာရေးတို့သို့ ထန်းဘူးညွန့်ရှည်တွင် နှစ်ကြောင်းစာချွန်ရေး၍ ဆင့်ဆိုရသည်။
(ရွှေနန်းသုံး ဝေါဟာရအဘိဓာန် ကျမ်းစာပါ မူရင်းအတိုင်း ပြန်လည်ကူးယူဖော်ပြသည်။)

၎- မင်းညီမင်းသား

၎- မင်းညီမင်းသား

မင်းဆိုသည်မှာ ဤနေရာတွင် ဧကရာဇ်မင်းမြတ်ကို ယူရမည်။ မင်းဧကရာဇ်၏ ညီတော်ဖြစ်သဖြင့် " မင်းညီ " ဆိုသည်။ မင်းဧကရာဇ်၏ သားတော်ဖြစ်သဖြင့် " မင်းသား " ဆိုသည်။

မင်းသားနှင့် နေရာတော်။ ။ ထို့ပြင်မှတပါး မင်း၏သားတော် မဟုတ်သော်လည်း
(၁) လက်ဝဲနေရာကွက် ၉၊ လက်ယာနေရာကွက် ၉၊ ပေါင်း မင်းသားကြီး နေရာ ၁၈။

(၂) လက်ဝဲနေရာ ၉၊ လက်ယာနေရာ ၉၊ ပေါင်း မင်းသားလတ်နေရာ ၁၈။

(၃) လက်ဝဲနေရာ ၉၊ လက်ယာနေရာ ၉၊ ပေါင်း မြင်းမှူးမင်းသားနေရာ ၁၈-ရှိရာ------

၎င်း နေရာတော်နေ မင်းသားသုံးမျိုးပြင် နေရာတော်မနေရသည့် မင်းသားတမျိုးလည်း ရှိသည်။ ဤကဲ့သို့ မင်းသားအမည်အရည်နှင့် သူကောင်းပြုခံရသူ တို့သည် မင်း၏ သားတော် မဟုတ်သော်လည် " မင်းသား " ဟူ၍ ခေါ်ဝေါ်ရသည်။ ထိုမှတပါး မင်းသား မခေါ်နိုင်။ မင်း၏ ညီတော် မြေးတော် မြစ်တော်ဟူ၍သာလျှင် ခေါ်ဝေါ်နိုင်သည်။

(ရွှေနန်းသုံး ဝေါဟာရအဘိဓာန် ကျမ်းစာပါ မူရင်းအတိုင်း ပြန်လည်ကူးယူဖော်ပြသည်။)

အိမ်ရှေ့မင်းနန်းတော်ဝင်ပုံ။ ။

အိမ်ရှေ့မင်းနန်းတော်ဝင်ပုံ။ ။ အိမ်ရှေ့မင်းသည် ညီလာခံဝင်သည်မှတပါး ဧကရာဇ်မင်းမြတ် ရှေ့တော်သို့ ဝင်လို၍ ရွှေနန်းတော် ဝင်လာသည့်အခါတိုင်း တောင်စမုတ်အနောက် တတာခန့်အကွာတွင် အရှေ့အနောက် ၂၁- တောင် ၂- မိုက်၊ တောင် မြောက် ၉-တောင် ၂-မိုက်ရှိ ကွန်းထောက်နန်းတော်မှာ ခေတ္တစံတော်မူရသည်။ အိမ်ရှေ့ဘုရား ဝင်တော်မူလာသောအကြောင်းကို မိန်းမစိုးက ဧကရာဇ်မင်းမြတ် ရွှေနားတော်ကြားတင်လျှောက်ရသည်။ ထိုအခါ ရှေ့တော်သို့ ဝင်ရန် အမိန့်တော်ရှိသဖြင့် အိမ်ရှေ့မင်းလည်း ဧကရာဇ်မင်းမြတ် စံတော်မူရာ အဆောင်တော်သို့ ဝင်ရောက်ခစားရသည်။

နောင်တော် ပုဂံရွှေနန်းရှင်ဘုရား ရွှေနန်းတော်သို့ ဝင်တော်မူလာလျှင်လည်း ယင်းသည့် ကွန်းထောက်နန်းတော်တွင် ခေတ္တစံတော်မူပြီးမှ မိန်းမစိုးတို့က ဧကရာဇ်မင်းမြတ် ရွှေနားတော်ကြား လျှောက်ထားရသည်။ ထို့နောက် ပုဂံရွှေနန်းရှင်ဘုရား ညီတော်ရှိရာသို့ ထွက်တော်မူလာရာ ညီတော်မင်းတရားသည် အဆောင်တော်ဦးမှ ဒူးပဆစ်တုပ်ပျပ်လျက် ရှိခိုးလက်ယှက်ခါ ကြိုတော်မူသည်။ (ယခု ကွန်းထောက်နန်းတော်ကို အင်္ဂလိပ်မင်းလက်ထက်မှာ နံ့သာနန်းတော်ဟူ၍ မှားယွင်းစွာ ကမ္ပည်းရေးထိုးထားသည်။ နံ့သာနန်းတော်ကား မြောက်စမုတ် တောင်ဘက်မှာ ဖြစ်သည်။ ယခုအခါ ဖျက်သိမ်းရာပါသောကြောင့်မရှိချေ။ သို့ရာတွင် နန်းတော်ကြီးပုံစံ ပြုလုပ်ထားရာ၌ ၎င်းနံ့သာနန်းတော်ကလေး ထင်ရှားရှိသည်)။

(ရွှေနန်းသုံး ဝေါဟာရအဘိဓာန် ကျမ်းစာပါ မူရင်းအတိုင်း ပြန်လည်ကူးယူဖော်ပြသည်။)

၃- အိမ်ရှေ့မင်းအကြောင်း

၃- အိမ်ရှေ့မင်းအကြောင်း

အဘယ်ကြောင့် အိမ်ရှေ့မင်းသည် ဥပရာဇာ မည်သနည်းဟူမူကား - ဥပသမီပေ ဌိတော ရာဇာတိ ဥပရာဇာ ဟူသော ဝစနတ္တနှင့်အညီ ရေမြေသေဌ်နင်း မင်းအဖြစ်၏ အနီး၌ တည်တတ်သောကြောင့် ဥပရာဇာမည်၏။ ဥပသမီပေ ၊ ရေမြေသေဌ်နင်း မင်းအဖြစ်၏ အနီး၌။ ဌိတော၊ တည်သော။ ရာဇာ၊ မင်းတည်း။ ဣတိတသ္မာ၊ ထို့ကြောင့်။ ဥပရာဇာ၊ ဥပရာဇာမည်၏။

အိမ်ရှေ့မင်းအင်္ဂါ ၅ ပါး။ ။ အိမ်ရှေ့နန်းလျာ မဟာဥပရာဇာတို့ အင်္ဂါလက္ခဏာ ကား -

မိဘနှစ်ပါးစုံမှ ကောင်းစွာဖြစ်ခြင်း၊ အလွန် အဆင်းလှခြင်း၊ မယ်တော်, ခမည်းတော်, နောင်တော်တို့၏ နှလုံးကို ပွါးစေခြင်း၊ တိုင်းသားပြည်သူ လူရှင်ရဟန်းတို့၏ နှလုံးကိုပွါးစေခြင်း၊ ဆင်းစီး, မြင်းစီး, ရထားစီး, လေးပစ်, လှံထိုး အစရှိကုန်သော အတတ်တို့၌ လေ့လာပွန်းတီး ပြီးစီးတတ်မြောက်ခြင်း၊ ဤသို့အားဖြင့် ငါးပါးတည်း။ ထို့ကြောင့် ပဉ္စကနိပါတ် အင်္ဂုတ္တိုရ်ပါဠိတော်၌ -

" ဣဓ ဘိက္ခဝေ ရညော ခတ္တိယဿ မုဒ္ဓါဝသိတ္တဿ ဇေဋ္ဌော ပုတ္တော ဥဘတော သုဇာတော ဟောတိ မာတိတော စ ပိတိတောစ၊ အဘိရူပေါဟောတိ၊ မာတာ ပိတူနံ ပိယော ဟောတိ မနာပေါ၊ နေဂမဇာနပဒဿ ပိယော ဟောတိ မနာပေါ၊ ယာနိ တာနိ ရညံ ခတ္တိယာနံ မုဒ္ဓါဝ သိတ္တာနံ သိပ္ပဋ္ဌာနာနိ ဟတိံ္ထသိံ္မ ဝါ အဿသိံ္မ ဝါ ရထသိံ္မ ဝါ ဓနုသိံ္မ ဝါ ထရုသိံ္မ ဝါ၊ တတ္ထ သိက္ခိတော ဟောတိ အနဝယော" ဟူ၍ ဟောတော်မူသည်။ (အံ ၂-၁၃၅)

ဘိက္ခဝေ၊ ရဟန်းတို့။ ဣဓ၊ ဤလောက၌။ မုဒ္ဓါဝသိတ္တဿ ၊ မုဒ္ဓါဘိသိက် ခံသော။ ခတ္တိယဿ ၊ ရေမြေအရှင်ဖြစ်သော။ ရညော၊ မင်း၏။ ဇေဋ္ဌော ပုတ္တော၊ သားကြီးမင်းလျာသည်။ မာတိတော စ၊ အမိမှ၎င်း။ ပိတိတော စ၊ အဘမှ၎င်း။ ဥဘတော၊ နှစ်ပါးစုံကုန်သော သူတို့မှ။ သုဇာတော၊ ကောင်းစွာ ဖြစ်သည်။ ဟောတိ၊ ဖြစ်၏။ အဘိရူပေါ၊ လွန်စွာ အဆင်းလှသည်။ ဟောတိ၊ ဖြစ်၏။ မာတာပိတူနံ၊ မိဘတို့သည်။ ပိယော၊ ချစ်အပ်သည်။ မနာပေါ၊ နှလုံးကို ပွါးစေတတ်သည်။ ဟောတိ၊ ဖြစ်၏။ နေဂမဇာနပဒဿ၊ နိဂုံးဇနပုဒ်၌နေသော လူအပေါင်းသည်။ ပိယော၊ ချစ်အပ်သည်။ မနာပေါ၊ နှလုံးကို ပွါးစေတတ်သည်။ ဟောတိ၊ ဖြစ်၏။ မုဒ္ဓါဝ သိတ္တာနံ၊ မုဒ္ဓါ ဘိသိက်ခံကုန်သော။ ခတ္တိယာနံ ၊ ရေမြေရှင်ဖြစ်ကုန်သော။ ရညံ၊ မင်းတို့၏။ ဟတိံ္ထသိံ္မ ဝါ၊ ဆင်စီး အတတ်၌၎င်း။ အဿသိံ္မ ဝါ၊ မြင်းစီးအတတ်၌၎င်း။ ထရုသိံ္မ ဝါ၊ ရာထားစီးအတတ်၌၎င်း။ ဓနုသိံ္မ ဝါ၊ လေးအတတ်၌၎င်း။ ထရုသိံ္မ ဝါ၊ ဓားခုတ်လှံထိုး အတတ်၌၎င်း။ ယာနိ တာနိ သိပ္ပဋ္ဌာနာနိ၊ အကြင် အတတ်အကြောင်းအရာတို့သည်။ သန္တိ၊ ရှိကုန်၏။ တတ္ထ၊ ထိုအကြောင်းအရာတို့၌။ သိက္ခိတော၊ သင်အပ်ပြီးသည်။ အနဝယော ၊ အကြွင်းမဲ့ တတ်မြောက်သည်။ ဟောတိ၊ ဖြစ်၏။

ဤသို့လျင် အိမ်ရှေ့နန်းလျာ မဟာဥပရာဇာတို့၏ အင်္ဂါလက္ခဏာငါးပါးကို သိအပ်သည်။ ဥဘတော သုဇာတ- ဟူ၍ မိဆွေ ဘမျိုး နှစ်ပါးတို့တွင် အဘမျိုးသာ ပဋ္ဌာနဟူ၍ ဟောတော်မူသောကြောင့် အဘ မင်းဆွေ မင်းမျိုးဖြစ်က သုဇာတ မယ်တော့သည်သာဟူ၍ သိအပ်၏။ အိမ်ရှေ့မင်းသည် စစ်မက်အရေးကိစ္စ ပေါ်ပေါက်လျှင် ချီတက်တိုက်ခိုက်ရခြင်း၊ ညီလာခံဝင်ရခြင်း၊ လွှတ်တက်၍ စိမံခန့်ခွဲတော်မူရခြင်း၊ ထို့ပြင် အထူးသဖြင့် အရေးကြီးသည့်ကိစ္စရှိလျှင် အချိန်အခါမရွေး နန်းတော်သို့ဝင်၍ ဧကရာဇ်မင်းမြတ်နှင့် တွေ့ဆုံတိုင်ပင်နှီးနှောတော်မူရခြင်းစသော တိုင်းကျိုးပြည်ကျိုးများကို ရွက်ဆောင်တော်မူရသည်။

(ကျမ်းစာပါ မူရင်းအတိုင်း ပြန်လည်ကူးယူဖော်ပြသည်။)

မိဘုရားနှင့် မိဖုရား အဆုံးအဖြတ်

မိဘုရားနှင့် မိဖုရား အဆုံးအဖြတ် ။ ။ မိဘုရားသည် ပြည်သူတို့၏ အမိဖြစ် သောကြောင့် သဒိသူပစာအားဖြင့် " အမိဘုရား " ခေါ်ဝေါ်သည်။ အ- ကြေ၍ " မိဘုရား " ခေါ်ဝေါ်သည်။ အာလုပ်ပုဒ်ဖြစ်သတည်း။

သက္ကရာဇ် ၅၈၅ ခုနှစ် ရေးထိုးသည့် လေးထောင့်ကန် လေးမျက်နှာဘုရားကျောက်စာတွင် " အမိဖုရှား စသော မောင်းမတော်ခပ်သိမ်း " ဟူ၍ ထိုပုဂံခေတ်က အ, မကြေပဲ " အမိဘုရား " ခေါ်ဝေါ်ရေးသားကြောင်း ထင်ရှားသည်။

သက္ကရာဇ် ၁၂၂၂ ခုနှစ် ရေးထိုးသည့် မန္တလေး ရတနာပုံ ရွှေမြို့တော် တောင်ပြင် မဟာနွယ်စင်ရပ်ရှိ မဟာဗောဓိကျောက်စာတွင် " စတုသဋ္ဌိလက္ခဏာ၊ အင်္ဂါအနဂ္ဃီ ၊ အစုံရှိသော နှမတော်မြတ် သိရီနတ်အား ကိုးပါးသော ကျောက်မျိုးတို့ဖြင့် ပြည်သူ့မိမြတ် သတ်မှတ်တင့်ကဲ ချီးဝှဲးပြဋ္ဌာန်းတော်မူပြီးနောက် " ဟူ၍ မိဖုရားကြီးတင်တော်မူသည်ကို " ပြည်သူ့မိမြတ် သတ်မှတ်သည် " ဟူသော ဝေါဟာရဖြင့် ဆိုလေသည်။

သက္ကရာဇ် ၆၆၀ ခုနှစ် ရေးထိုးသည့် မိဘုရားစော ကျောက်စာတွင် " ရန်ခပ်သိမ်းကို နှိမ်နင်းနိုင်သော သီရိရာဇာမည်သော မင်းကြီးများဖြစ်သော မိဘုရားစော သည် " ဟူ၍၎င်း။

သက္ကရာဇ် ၁၁၈၃ ခုနှစ် ၊ မဇ္စျိမဒေသ ဗုဒ္ဓဂယာ အရပ်ရှိ မဟာဗောဓိ ကျောက်စာတွင် " မြတ်သော မိဘုရားခေါင်းကြီးနှင့် တကွ " ဟူ၍၎င်း၊ " သီရိပဝရ မဟာရာဇိန္ဒာ ရတနာဒေဝီ အမည်တော်ရှိသော တောင်မိဘုရားခေါင်ကြီး နှင့်တကွ " ဟူ၍၎င်း။

သက္ကရာဇ် ၁၂၀၅ ခုနှစ် ၊ လောကမဏိစူဋ္ဌာ ဘုရားကျောက်စာတွင် " တိုင်းနေ ပြည်သူ လူအများတို့အား သနားကရုဏာ မေတ္တာပင်စည် ခက်မတည်လျက် သက်ကြည်တော်မူသဖြင့် တောင် မိဘုရားခေါင်းကြီး " ဟူ၍၎င်း။

သက္ကရာဇ် ၁၂၀၉ ခုနှစ်၊ ဆိတ်ပေါက်ဘုရား ကျောက်စာတွင် " မင်းညီ မင်းသား ၊ မင်းမိဘုရား ၊ မွှန်ကြားပေါက်ပြ " ဟူ၍၎င်း။

သက္ကရာဇ် ၁၂၁၁ ခုနှစ် ၊ စက်တော်ရာဘုရား ကျောက်စာတွင် " အဘိရူပ ၊ ဒဿနက ၊ စသည့်ကျေးဇူး ၊ ထူးကဲလွန်မြတ်တော်မူသော ရှစ်သောင်းထွတ်ဖျား မိဘုရားခေါင်ကြီး ဘုရားနှင့် " ဟူ၍၎င်း။

သက္ကရာဇ် ၁၂၂၁ ခုနှစ် ၊ မန္တလေးတောင်ခြေ သုဓမ္မာ ကျောက်စာတွင် " မြောက်နန်းတော် မိဘုရားသည် " ဟူ၍၎င်း။

သက္ကရာဇ် ၁၂၃၆ ခုနှစ် ၊ ဗုဒ္ဓဂယာအရပ် မဟာဗောဓိကျောက်စာတွင် " အခေါင်ညာထား ၊ မိဘုရားမြတ် " ဟူ၍၎င်း အသီးသီး ကျောက်ထက်အက္ခရာဖြင့် ထင်ထင်ရှားရှား ရှိလေသည်။

သို့ပါလျက် အချို့က စက္ကူ စာအုပ်ပြုလုပ်ရန် ကျောက်စာကို စက်တင်ပုံနှိပ်သည့်အခါ ကျောက်စာမူတွင် စတုတ္ထက္ခရာ ဘကုန်းနှင့် ရှိသည်ကို ဒုတိယက္ခရာ ဖဦးထုပ် သို့ လဲပြောင်းစက်တင်ပုံနှိပ်ကြသည့် အရာများစွာ တွေ့ရလေသည်။ ဤသို့ ရှေးပညာရှိတို့၏ ကျောက်စာအက္ခရာမူကို ပြင်ဆင်ခြင်းမှာ အလျှင်းပင်မသင့်ချေ။

အချို့သူတို့ကလည်း မန္တလေးရတနာပုံ ဒုတိယနန်းစံ မာရ်အောင်ရတနာ စေတီတော် ဒါယကာမင်းတရား လက်ထက်တော်ရောက်မှ မိဖုရားကြီး ဓားထက်သည်ကို ကြောက်ရွံ့ရသဖြင့် ဖဦးထုပ် နှင့် ဘကုန်း လဲပြောင်းပြီးကာလ " မိဖုရား " ဟုရေးရလေဟန် မဟုတ်မမှန် လုပ်ကြံပြောဆိုကြလေသည်။

မိဘုရား ဟူသော ပုဒ်အက္ခရာကို ပုဂံခေတ်ကောင်းစားစဉ် လွန်ခဲ့သော အနှစ် ၉၀၀ လောက်ကပင် စတုတ္ထက္ခရာ ဘကုန်းတချောင်းငင် ဥသရနှင့် " ဘု " ဟူ၍၎င်း၊ ရကြီးအချတွင် ဝိသဇ္ဇနီနှင့် " ရား " ဟူ၍၎င်း အရေးအသားရှိခဲ့သည့်ပြင် ကုန်းဘောင် ပဌမအလောင်းမင်းတရားကြီးမှစ၍ တဆဲ့တဆက်သော မင်းတို့လက်ထက် နန်းတော် ၊ အိမ်တော်နှင့်တကွ လွှတ်ရုံးငါးရပ်တို့၌လည်း စတုတ္ထက္ခရာ ဘကုန်း နှင့် ချည်း ရေးသား သုံးနှုန်းခြင်း ဖြစ်လေသည်။ ထို့ကြောင့် မိဘုရားဟူသော ပုဒ်အက္ခရာကို ရှေးကာလက ရှိဟောင်းဖြစ်သော ကျောက်စာမူ ၊ ပေမူ ၊ ပုရပိုက်မူတို့တွင် ပါသည့်အတိုင်း ရေးသားသင့်လေသည်။

====================================
(ကျမ်းစာပါ မူရင်းအတိုင်း ပြန်လည်ကူးယူဖော်ပြသည်။)

၂- မိဘုရားအကြောင်း

" မဟေသီ သာဘိသေကာ " ဟူ၍ မာဂဓအဘိဓာန်စာကိုယ် ( နှာ-၁၆၈ )။ " သာဘိသေကာ လဒ္ဓါဘိသေကာ ရာဇိတ္ထီ မဟေသီ နာမ " ဟူ၍ ၎င်းဋီကာ ( နှာ- ၁၆၉ ) တို့ ၌ လာရကား သွန်းလောင်းအပ်သော အဘိသိက်ရှိသော မိဘုရားကြီးသည် မဟေသီ မည်၏။ ထို့ ကြောင့် အဘိဓာန်ဋီကာ၌ ---

မဟ ပူဇာယံ ၊ ကမ္မနိ ဣသော၊ ဣေဿ၊ တတောဤ ---

ဟူ၍မိန့်အပ်၏။ မဟ၊ မဟသဒ္ဒါသည်။ ပူဇာယံ ၊ ပူဇော်ခြင်း၌ ဖြစ်၏။ ကမ္မနိ ၊ ကံအနက်၌။ ဣသော ၊ ဣသ ပစ္စည်းသက်ရာ၏။ ဣဿ ၊ ဣအက္ခရာကို ။ ဧ၊ ဧပြု ။ တတော ၊ ထို့ နောင်မှ။ ဤ၊ ဤ ပစ္စည်း သက်ရာ၏။

တနည်းကား -- များစွာကုန်သော မင်းမိန်းမတို့ ကို စိုးမိုးတတ်သောကြောင့် မဟေသီမည်၏။ ထို့ ကြောင့် အဘိဓာန်ဋီကာ၌ပင်လျှင်---

မဟတိယော ရာဇိတ္ထိယော ဤသတိ အဘိဘဝတီတိ ဝါ မဟေသီ၊ ဤသ ဣဿရိယေ ဤ---

ဟူ၍ မိန့် အပ်၏။ ဝါ ၊ တနည်းကား ။ မဟတိယော ၊ များစွာကုန်သော ။ ရာဇိတ္ထိယော ၊ မင်းမိန်းမတို့ ကို ။ ဤသတိ အဘိဘဝတိ ၊ စိုးမိုးတတ်၏ ။ ဣတိတသ္မာ၊ ထို့ ကြောင့် ။ မဟေသီ ၊ မဟေသီမည်၏။ ဤသ ၊ ဤသ သဒ္ဒါသည်။ ဣဿရိယေ ၊ စိုးမိုးခြင်း၌ ဖြစ်၏။ ဤ ၊ ဤ ပစ္စည်းသက်။ ဤကား ဋီကာပါဌ်၏ အနက်။

မိဖုရားခေါင်ကြီးမှတပါး အခြား မင်းမိန်းမများသည် ဘောဂိနီ မည်၏။ အဘယ်ကြောင့် မိဘုရားခေါင်ကြီးမှတပါး အခြား မိန်းမများသည် ဘောဂိနီမည်သနည်း ဟူမူကား- စည်းစိမ်ရှိသောကြောင့် ဘောဂိနီ မည်၏။ ထို့ ကြောင့် အဘိဓာန်ဋီကာ၌ " ဘောဂ ယောဂါ ဣနီ " ဟူ၍ မိန့် အပ်၏ ။ ဘောဂယောဂါ ၊ စည်းစိမ်နှင့် ယှဉ်ရကား။ ဘောဂိနီ ၊ ဘောဂိနီ မည်၏။ ဣနီ ၊ ဣနီပစ္စည်း သက်ရာ၏။

မိဖုရားခေါင်ကြီးလည်း မင်းကဲ့သို့ အဘိသိက် ခံသင့်ကြောင်းကိုကား ယခင် ဆိုအပ်ခဲ့ကုန်ပြီးသော အဘိဓာန်စာကိုယ်ဋီကာနှင့် အဘိသိက်ခံသောမင်း ၊ အဘိသိက်ခံသော မိဖုရားတို့ ၏ သားသည် ရာဇပုတ္တ မည်၏ ဟူ၍ လာသော သမ္မောဟဝိနောဒနီ အဋ္ဌကထာ ( နှာ--၅၀၁ ) များကို ထောက်၍ သိရာ၏ ။ မဟေသီ ၊ အဘိသိက်ရှိသော မိဖုရားကြီးသည် ပူဇော်အပ်သောကြောင့်တည်း ။

(ကျမ်းစာအုပ်ပါ မူရင်းအတိုင်း " ပြန်လည်ကူးယူဖော်ပြ " သည်။ )
...................................................................................................

၁၉ ရာစုနှစ် မိဘုရားဝတ်ရုံ

ရာဇဂုဏ်ရှစ်ပါးအကြောင်း

ရာဇဂုဏ်ရှစ်ပါးအကြောင်း ။ ။ အဋ္ဌက ၌ ရာဇဂုဏ်သည် ရှစ်ပါးအပြားရှိ၏။
ရှစ်ပါးဟူသော်ကား-----

သိကြားမင်းကဲ့သို့ ကျင့်ခြင်း၊ နေကဲ့သို့ကျင့်ခြင်း ၊ လကဲ့သို့ ကျင့်ခြင်း၊ လေကဲ့သို့ကျင့်ခြင်း၊ ယမမင်းကဲ့သို့ကျင့်ခြင်း၊ သမုဒ္ဒရာကဲ့သို့ကျင့်ခြင်း၊ မြေကြီးကဲ့သို့ကျင့်ခြင်း၊ မိုးကဲ့သို့ကျင့်ခြင်း ၊ ဤရှစ်ပါးတို့တည်း။ ထိုရှစ်ပါးတို့တွင်--

သိကြားမင်းကဲ့သို့ ကျင့်ခြင်းဟူသည်ကား ------- သိကြားမင်းသည် နတ်အပေါင်းတို့အား နှိမ်နှင်းတန်သည်ကို နှိမ်နှင်း၍ ချီးမြှောက်တန်သည်ကို ချီးမြှောက်သကဲ့သို့ ထို့အတူ ရေမြေသေဌ်နင်းမင်းတို့သည်လည်း သူမတော်တို့အား နှိမ်နှင်း၍ သူတော်တို့အား ချီးမြှောက်ကုန်ရာသည်။

နေကဲ့သို့ ကျင့်ခြင်းဟူသည်ကား---------- နေမင်းသည် ရောင်ခြည်တထောင်ဖြင့် ဖြည်းညှင်းသာယာစွာ မိုးရေကို ခန်းစေသကဲ့သို့ ထို့အတူ ရေမြေသေဌ်နင်းမင်းတို့သည်လည်း အခွန်အတုတ်ကို ဖြည်းညှင်းသာယာစွာ ခံယူကုန်ရာသည်။

လကဲ့သို့ ကျင့်ခြင်း ဟူသည်ကား----------- လပြည့်ဝန်းသည် မြင်မြင်သမျှကုန်သော သူတို့၏ ဝမ်းမြောက်ခြင်းကို ဖြစ်စေသကဲ့သို့ ထို့အတူ ရေမြေသေဌ်နင်းမင်းတို့သည်လည်း ရွှင်လန်းသာယာစွာ ပြောဆိုသဖြင့် မှူးမတ်ပြည်သူ ရှင်လူအပေါင်းတို့အား ဝမ်းမြှောက်ခြင်းကို ဖြစ်စေကုန်ရာသည်။

လေကဲ့သို့ ကျင့်ခြင်း ဟူသည်ကား----------- လေသည် သတ္တဝါ အပေါင်းတို့၏ ကိုယ်တွင်းသို့ဝင်၍ သွားသကဲ့သို့ ထို့အတူ ရေမြေသေဌ်နင်းမင်းတို့သည်လည်း ခပ်သိမ်းကုန်သော တိုင်းသားပြည်သူ လူရှင်အပေါင်းတို့၏ အမူအရာချမ်းသာဆင်းရဲကို ၄င်း မိမိတို့၏ အကျိုးအပြစ်ကို ၄င်း ကိုယ်တိုင် လှည့်လည်၍ ၄င်း အမတ်သူလျှို ထား၍ ၄င်း သိအောင်ပြုကုန်ရာသည်။
ထို့ကြောင့် ဂန္ဓတိန္ဒူ ကဇာတ်၌ ဘုရားလောင်း တည်ပင်စောင့်နတ်မင်းသည် ဗြဟ္မဒတ်မင်းအား--------

" ဥပဿုတိံ မဟာရာဇ၊ ရဋ္ဌေ့ ဇနပဒေ စရ။
တတ္ထ ဒိသွာ စ သုတွာစ ၊ တတော တံ ပဋိပဇ္ဇသိ " ( ခု- ၅ - နှာ ၃၉၇၊ ဇာတက-ဋ္ဌ ၅ - ၁၀၄ ) ဟူ၍ဆုံးမဘူးချေသည်။

မဟာရာဇ ၊ မင်းမြတ်။ ဥပဿုတိံ ၊ ချောင်းမြောင်း၍ နားပါးထောင်ခြင်းငှါ။ ရဋ္ဌေ့ ၊ အလုံးစုံသော တိုင်း၌၄င်း။ ဇနပဒေ ၊ ဇနပုဒ်၌၄င်း။ စရ၊ လှည့်လည်ဘိလော။ တတ္ထ၊ ထိုတိုင်းဇနပုဒ်၌။ စရန္တော ၊ လှည့်လည်သောမင်းသည်။ ဒိသွာစ ၊ မြင်အပ်သည်ကို မြင်၍၄င်း ။ သုတွာစ ၊ ကြားအပ်သည်ကို ကြား၍၄င်း။ တတော၊ ထို့နောက်မှ။ ဟိတံ၊ အစီးအပွါးကို။ ပဋိပဇ္ဇသိ ၊ ကျင့်ရလတံ္တ။

ယမမင်းကဲ့သို့ကျင့်ခြင်း ဟူသည်ကား---- ယမမင်းသည် ချစ်သောသူ မုန်းသောသူ ဟူ၍မရှိ။ ကံနှင့်လျော်စွာ ရောက်လာလျှင် စီရင်သကဲ့သို့ ထို့အတူ ရေမြေသေဌ်နင်းမင်းတို့သည်လည်း ချစ်သောသူဟူ၍၄င်း မုန်းသောသူဟူ၍၄င်း မရွေးချယ်ဘဲ မျက်နှာကြီးငယ် မရွယ်မထောက် အမှုနှင့်လျော်စွာ စီရင်ကုန်ရာသည်။

သမုဒ္ဒရာကဲ့သို့ကျင့်ခြင်း ဟူသည်ကား-------- သမုဒ္ဒရာသည် ရေကို မတောင့်တသကဲ့သို့ ထို့အတူ ရေမြေသေဌ်နင်းမင်းတို့သည်လည်း ဥစ္စာကိုမတောင့်တဘဲ ထုံးစံရှိရာ ရထိုက်သမျှကိုသာ ခံယူကြကုန်ရာသည်။

မြေကဲ့သို့ ကျင့်ခြင်း ဟူသည်ကား--------- မြေကြီးသည် သတ္တဝါအပေါင်းတို့၏ မှီခိုကိုးကွယ်ရာဖြစ်သကဲ့သို့ ထို့အတူ ရေမြေသေဌ်နင်းမင်းတို့သည်လည်း သင်္ဂတရားလေးပါးဖြင့် ပြည်သူ လူအပေါင်းတို့၏ မှီခိုကိုးကွယ်ရာဖြစ်အောင် ကျင့်ဆောင်ကုန်ရာသည်။

မိုးကဲ့သို့ကျင့်ခြင်း ဟူသည်ကား --------မိုးသည် သတ္တဝါအပေါင်းတို့အား မိုးရေဖြင့် ရောင့်ရဲစေဘိကကဲ့သို့
ထို့ အတူ ရေမြေသေဌ်နင်းမင်းတို့ သည်လည်း မှုထမ်း ရာထမ်းတို့ အား မျိုးရိက္ခာ အဝတ်အစားဖြင့် ရောင့်ရဲစေကုန်ရာသည်။

(ကျမ်းစာအုပ်ပါ မူရင်းအတိုင်း " ပြန်လည်ကူးယူဖော်ပြ " သည်။ )

မင်းတို့ ကျင့်ရာသော သင်္ဂဟတရားလေးပါးအကြောင်း

မင်းတို့ ကျင့်ရာသော သင်္ဂဟတရားလေးပါးအကြောင်း

စတုက ၌ ရေမြေသေဌ်နင်း မင်းတို့ သည် တိုင်းနိုင်ငံသူ လူအပေါင်းတို့အား သဂြိုဟ်ချီးမြှောက်ကြောင်း သင်္ဂဟတရားလေးပါး အပြားရှိ၏။ လေးပါးဟူသော်ကား - သဿမေဓ ၊ ပုရိသမေဓ၊ ဝါစာပေယျ ၊ သမ္မာပါသ - ဟူ၍ လေးပါးအပြားရှိ၏။ ဤသင်္ဂဟတရား လေးပါးတို့ဖြင့် ရေမြေသေဌ်နင်း မင်းတို့သည် တိုင်းနိုင်ငံသူ လူရှင်အပေါင်းတို့ကို သဂြိုဟ်ချီးမြှောက်ကုန်ရာ၏။

ထို့ ကြောင့် အဂုင်္တ္တရ သက္ကတနိပါတ်အဋ္ဌကထာ၊ သုတ္တနိပါတ် အဋ္ဌကထာများ၌-

" ပေါရာဏက ဓမ္မိကရာဇကာလေ ကိရ သဿမေဓံ ပုရိသမေဓံ သမ္မာပါသံ ဝါစာပေယျ န္တိ စတ္တာရိ သင်္ဂဟဝတ္တူနိ အဟေသုံ၊ ယေဟိ ရာဇာနော လောကံ သင်္ဂဏှိံသု" ဟူ၍လာသည်။

ပေါရာဏက ဓမ္မိကရာဇကာလေ၊ ရှေး တရာစောင့်ကုန်သော မင်းတို့လက်ထက်၌။ သဿမေဓံ ၊ သဿမေဓလည်ကောင်း။ ပုရိသမေဓံ၊ ပုရိသမေဓလည်းကောင်း။ သမ္မာပါသံ။ သမ္မာပါသလည်းကောင်း။ ဝါစာပေယျံ၊ ဝါစာပေယျ လည်းကောင်း။ ဣတိ၊ ဤသို့။ စတ္တရိ၊ လေးပါးကုန်သော။ သင်္ဂဟဝတ္တူနိ၊ သင်္ဂဟဝတ္တူတို့သည်။ အဟေသုံ ကိရ၊ ဖြစ်ကုန်သတတ်။ ရေဟိ၊ အကြင်သင်္ဂဟဝတ္တူတို့ ဖြင့်။ ရာဇာနော၊ မင်းတို့ သည်။ လောကံ၊ တိုင်းနိုင်ငံသူ လူအပေါင်းကို။ သင်္ဂဏှိံသု၊ သဂြိုဟ်ချီးမြှောက်ကုန်၏။

သဿမေဓ ။ ။ ထိုလေးပါးတို့တွင် ကောက်ပဲ အစရှိကုန်သော အခွန်အတုတ်တို့ကို ဆယ်ဘို့ တဘို့ သာ ခံယူခြင်းသည် သဿမေဓမည်၏။ ကောက်ပဲအစရှိကုန်သော အခွန်အတုတ်ပြီးစေခြင်း၌ ပညာနှင့်ယှဉ် ဟူလိုသည်။

ပုရိသမေဓ ။ ။ သူရဲ သူခက်တို့အားခြောက်လတကြိမ် ထမင်းမျိုးရိက္ခာ ဖြစ်စေခြင်းသည် ပုရိသမေဓမည်၏။ သူရဲ သူခက်တို့အား သဂြိုဟ်ချီးမြှောက်ခြင်း၌ ပညာနှင့်ယှဉ် ဟူလိုသည်။

သမ္မာပါသ ။ ။ သူဆင်းရဲတို့လက်၌ စာရင်းတင်ထား၍ အသပြာတထောင်၊ နှစ်ထောင်မျှလောက်သော ကြေးငွေ ဥစ္စာပေးနှင့်၍ သုံးနှစ်လည်မှ အတိုးအပွါးမရှိ အရင်းအတိုင်းသာ ခံယူခြင်းသည် သမ္မာပါသ မည်၏။ လူတို့ ၏ နှလုံးကို ကျော့ကွင်းဖြင့် ဘွဲ့၍ထားဘိသကဲ့သို့ မြဲစွဲစေသဖြင့် သဂြိုဟ်မစသည် မည်၏ ဟူလိုသည်။ ထမ်းပိုးခံယူခြင်းသည် သမ္မာပါသမည်၏ဟူသည်ကား ယခင် အဋ္ဌကထာများနှင့် ၄င်း အဘိဓာန်ဋီကာနှင့်၎င်း မညီလေ။

ဝါစာပေယျ ။ ။ မှူးမတ် ကလန် သံပျင် အစရှိကုန်သောသူတို့ကို အမောင်ဦးရီး စသည်ဖြင့်သာယာချေငံစွာ ခေါ်ဝေါ်ပြောဆိုခြင်းသည် ဝါစာပေယျ မည်၏။ ချစ်ကြည်မြတ်နိုးဘွယ်သော စကားဖြင့် သဂြိုဟ်မစသည် ဟူလိုသည်။

ရွှေနန်းသုံးဝေါဟာရအဘိဓာန်ပြုစုသူ ဦးမောင်မောင်တင်

(ကျမ်းစာအုပ်ပါ မူရင်းအတိုင်း " ပြန်လည်ကူးယူဖော်ပြ " သည်။ )

ရွှေနန်းသုံးဝေါဟာရ အဘိဓာန်

ဦးမောင်မောင်တင် ပြုစုတဲ့ ရွှေနန်းသုံးဝေါဟာရ အဘိဓာန် ကျမ်းပါ ဝေါဟာရရှင်းလင်းချက်တွေကို အပိုင်းလိုက်ဖော်ပြချင်ပါတယ်။ တစ်အုပ်လုံးကို PDF ဖိုင် E-book လုပ်ဖို့ အချိန်မပေးနိုင်သေးပါ။ ဒီတော့ စာအုပ်ထဲက စကားလုံး ဝေါဟာရ ရှင်းလင်းချက်တွေကို သင့်သလိုအပိုင်းလိုက် ရေးလိုက်၊ တင်လိုက်လုပ်ပါမယ်။ ကျမ်းစာအုပ်ပါ မူရင်းအတိုင်း " ပြန်လည်ကူးယူဖော်ပြ " တာကြောင့် အကြောင်းအရာ ၊ ရှင်းလင်းချက် ၊ စကားလုံး ၊ အယူအဆ ၊ အမှား အမှန် စတာတွေဟာ ရှေးမြန်မာဘလော့ဂါနှင့်မသက်ဆိုင်ပါ။

ရွှေနန်းသုံးဝေါဟာရ အဘိဓာန်
ပဌမတွဲ
နမော တဿ ဘဂဝတော အရဟတော သမ္မာသမ္ဗုဒ္ဓဿ

၁- ဧကရာဇ်မင်းမြတ်အကြောင်း

မင်းဧကရာဇ် ဟူသည်မှာ - ဧကသဒ္ဒါ-တခုဟော အနက်၊ အတုမရှိအမြတ်ဟူသော အနက်များကိုရသည်။ အတုမရှိ မြတ်သောမင်း ဆိုလိုသည် အဓိပ္ပါယ်ယူရမည်ဟူ၍ ရာဇသေဝကဒီပနီကျမ်းက ဆိုသည်။

ဧကရာဇ်မင်းမြတ်တို့ ဆောင်ရွက်တော်မူမြဲကိစ္စမှာ တနေ့ သုံးယံ ညီလာခံခြင်း၊ တိုင်းရေးပြည်မူ , သာသနာမှုနှင့်တကွ ကိုယ်တော်ရေးမှစ၍ တိုင်ပင်တော်မူသင့်သည်များကို တိုင်ပင် နှီးနှောတော်မူခြင်း၊ ရာဇဂုဏ် ၈ ပါးတို့နှင့် အမြဲပြည့်စုံကြောင်း အမြဲအားထုတ်တော်မူခြင်း၊ မင်းနှင့်ဆိုင်သော သင်္ဂဟတရား လေးပါး, သူခပ်သိမ်းတို့နှင့်ဆိုင်သော သင်္ဂဟတရားလေးပါးတို့နှင့် ပြည့်စုံတော်မူအောင် အားထုတ်တော်မူခြင်းများသည် မင်း၏ မြဲသောအလုပ်ကိစ္စ မှတ်သင့်ချေသည်။

(ကျမ်းစာအုပ်ပါ မူရင်းအတိုင်း " ပြန်လည်ကူးယူဖော်ပြ " သည်။ )