ပုဂံ " သင်္ကြန် "

Special thanks to Peggie Scott http://www.flickr.com/photos/peggie/420861710/

၁၂ လရာသီကို အခြေခံထားတဲ့ ရှေးကမြန်မာ့ ပြက္ခဒိန် ဟာ စိုက်ပျိုးရေး နှင့် ကိုးကွယ်ယုံကြည်မှု စတဲ့နေ့စဉ်ကြုံတွေ့ရတဲ့ ကိစ္စတွေကို သဟဇာတဖြစ်အောင် စီရင်ထားတာဖြစ်တယ်။အဲဒိ ဆယ့်နှစ်လထဲက တစ်လ ကို တန်ခူး (တန်ခူးလ) လို့ ခေါ်တယ်။ သက္ကတဘာသာစကားက ဆင်းသက်လာတဲ့ အမည်ဖြစ်ပြီး ထန်းခူတဲ့လ (ထန်းသီးခူးတဲ့လ)လို့ အဓိပ္ပါယ်ရတယ်။ ထန်းပင်ဘယ်ကလာသလဲဆိုတော့ အိန္ဒိယကလာတယ်၊ ခရစ်နှစ်အစပိုင်းလောက်ကတည်းက မြန်မာနိုင်ငံကို ရောက်လာတဲ့ အပင်ဖြစ်တယ်။ ပုဂံခေတ်ဦးပိုင်းမှာ ထန်းပင်ဟာ အရေးပါဆုံးအပင်ဖြစ်တယ်။ ထန်းပင်တွေကို ဘုရားကျောင်းကန်တွေမှာ အရိပ်ရဖို့နှင့် မြေသားကန်ဘောင်တွေကို ကျစ်လစ်အောင်ထိမ်းသိမ်းဖို့ ရည်ရွယ်ပြီးစိုက်တယ်။ ကျောက်စာတွေထဲမှာ ထန်းပင်စိုက်တာကို " ဂရုတစိုက် " ထည့်ရေးလေ့ရှိတယ်။ ပုဂံကမြန်မာတွေကို ကြီးပွါးစေတဲ့ စီးပွါးရေးလုပ်ငန်းတွေထဲမှာ " ထန်း " စီးပွါးရေးဟာလည်း အရေးပါတယ်။ ထန်းသီးကနေ မုန့် လုပ်တယ်။ ထန်းရည်ကနေ ထန်းလျှက်ချက်တယ်၊ သကာ ချက်တယ်။ ထန်းလုံးကို ခံတပ်တွေ ၊ တံတားတွေဆောက်ရာမှာသုံးတယ်။ ထန်းရွက်ကို အိမ်မိုးရာမှာသုံးလို့ရသလို စာရေးရာမှာလည်းသုံးတယ်။ ပုဂံခေတ်မှာ အရက် ( Arak ) မရှိသေးတော့ ထန်းရည်ကနေ သေရည် ( ယမကာ ) ချက်တယ်။ ပုဂံခေတ် ရောင်းဝယ်ရေးမှာ သေရည်သောက် ၊ သေသားစား ပြီးမှသာ ပြီးပြတ်လေ့ရှိတဲ့အတွက် ထန်းရယ်ကဖြစ်တဲ့ အဲဒိ သေရည်ဟာ အရေးပါတယ်။ အချုပ်ပြောရရင်တော့ ရှေးမြန်မာတွေအတွက် ထန်ခူးတဲ့လ ( တန်ခူး လ ) ဟာ ပွဲလမ်းသဘင်တွေကိုခါတိုင်းထက်ပိုလုပ်လေ့ရှိတဲ့ အရေးပါတဲ့လ တစ်လဖြစ်မယ်။ ပုဂံခေတ်မှာ " သင်္ကြန် " ရှိမရှိ မသိနိုင်သေးပါ။ ကျောက်စာတွေမှာတော့ ရေးထားတာမျိုး မဖတ်ရသေးပါ။ နှစ်ဟောင်းကုန်ပြီ ၊ နှစ်သစ်ရောက်ပြီ ဆိုတာမျိုးလည်းမပါ။ ဝါကြီး ၊ ဝါငယ် ၊ ဝါထပ်တယ်ဆိုတာမျိုး မှတ်တမ်းကျောက်စာမတွေ့ရသေးပါ။ ဒါကြောင့် ပုဂံခေတ်မှာ " သင်္ကြန် " မရှိလို့ ပြောချင်တယ်။ ပိုပြီး ပဒေသရာဇ် ဆန်တဲ့ အင်းဝခေတ် မှာပေါ်လာတာဖြစ်မယ်ထင်ပါတယ်။ အသေချာတော့ မပြောရဲပါ။ ခေါင်းလျှော်ခြင်းလို့ အနက်ရတဲ့ " သင်္ကြန်" ဝေါဟာရဟာ ပါဠိ လို " သင်္ကန္တ " ၊ သက္ကတ လို " သင်္ကြန္တ " က ဆင်းသက်လာတာ ဖြစ်တယ်။ ခေါင်းထဲမှာရှိတဲ့ အညစ်အကြေးကို ရေနှင့်ဆေးချတယ်လို့ အလွယ်မှတ်လို့ ရနိုင်တယ်။ ဘုရင် ရဲ့ ကံဇာတာကို လောကီပညာအရတွက်ချက်ယူပြီးတဲ့အခါ ညံ့နေရင် မကောင်းတာတွေပယ်တဲ့အနေနှင့် ခေါင်းလျှော်တယ်။ ကုန်းဘောင်းရာဇဝင်တွေမှာ ဘုရင်ခေါင်းလျှော်တာကို " သင်္ကြန်တော်ခေါ်တယ် " လို့ မှတ်သားလေ့ရှိတယ်။ဘုရင်ဖြစ်တဲ့လူက ခေါင်းလျှော်တာမို့ အပေါင်းပါတွေများမယ်။ နောက်တော့ ပွဲလမ်းသဘင်တစ်ခု ၊ အလေ့ထတစ်ခုဖြစ်လာမယ်။ နောက်ပိုင်းမှာတော့ တနင်္ဂနွေ ဂြိုဟ် တစ်ရာသီကနေ နောက်တစ်ရာသီကို ကူးပြောင်းတဲ့အချိန် ၊ မိန်ရာသီ ကနေ မိဿရာသီကိုပြောင်းတဲ့ကာလကို " သင်္ကြန် " အခါလို့ သတ်မှတ်မယ်။ သင်္ကြန် ရက်တွေဟာ အတာကူးရက်တွေဖြစ်လာတာမို့ ဘုရင်တစ်ဦးတစ်ယောက်တည်းအတွက် မဟုတ်တော့ဘဲ လူအများနှင့်ပိုပြီးသက်ဆိုင်လာမယ်။ ဘုရားကျောင်းကန်တွေမှာ ဘုရားဆင်းတုတွေကို ရေသပ္ပာယ်၊ တရားနာ ၊ သီလယူ ဥပုသ်စောင့် မယ်၊ လူကြီးမိဘတွေကို အရိုသေပေးရင်း ခေါင်းလျှော်ပေးမယ် ဆိုတာတွေလုပ်လာရင်း ချစ်စရာကောင်းတဲ့ ဓလေ့တစ်ခုဖြစ်လာတယ်လို့ ထင်တယ်။ ဘိုးတော် ဗဒုံမင်းက မင်းအာဏာသုံး မင်းမိန့်ပေးပြီး အချိန်ခါမဟုတ် " သင်္ကြန် " ကျခိုင်းတဲ့အခါ အမတ်ဖြစ်သူ " ပေါ်ဦး " က ဒီလိုအတင်းအမိန့်ပေးပြီး " သင်္ကြန် " ကျခိုင်းတာကို လူတွေကလိုက်နာနိုင်ပေမယ့် " ခွေး နှင့် သစ်ပင် " ကတော့ဖြင့် လိုက်နာမှာ မဟုတ်ဖူးလို့ ပြန်လျှောက်တယ် လို့ မှော်ဘီ ဆရာသိန်းရဲ့ ပါးစပ်ရာဇဝင်မှာ ဖတ်ရဖူးပါရဲ့ ။ အားလုံး ကျန်းမာ ချမ်းသာကြပါစေ။

" နိတိ စန္ဒြ " ဒင်္ဂါး မဟုတ်ပါ

ဒီဒင်္ဂါး ကိုတွေ့ စက အတုလို့ ထင်မိတယ်။

ဗြိတိန် ပြတိုက်၊ လန်ဒန် ( British Museum, London ) က သုတေသန လုပ်နေဆဲ ဒင်္ဂါးပါ။ ပြတိုက်က ဒီဒင်္ဂါးပေါ်မှာရေးထားတဲ့ စာကို " နိတိ စန္ဒြ " လို့ လောလောဆယ် မှတ်ချက်ပေးထားပါတယ်။ တိကျသေချာတယ်လို့တော့ပြောမထားပါ။ မှားနေရင် ထောက်ပြပါလို့တော့ပြောထားတဲ့အတွက် ထောက်ပြဖို့ ကြိုးစားမိပါတယ်။

သေချာတာကိုအရင်ပြောရရင် " နိတိ စန္ဒြ " ဒင်္ဂါး မဟုတ်ပါ။ ဒီဒင်္ဂါးပေါ်မှာရေးထားတဲ့ စာက ရှေးဟောင်း ဗြဟ္မီ အက္ခရာပါ ။ " နိတိ စန္ဒြ " ဒင်္ဂါး အစစ် နှင့် နှိုင်းယှဉ်ကြည့်လို့ရအောင် ပြထားပါတယ်။

ဒင်္ဂါး ပေါ်မှာ ရေးထားတဲ့စာ " နိတိ စန္ဒြ " မဟုတ်ရင် ဘာတွေရေးထားတာလဲ ၊ ဘယ်သူ့ နာမည်ဖြစ်မလဲ။ နောက်ဆုံး စာလုံး သုံးလုံးကိုဘဲ ဖတ်နိုင်ပါသေးတယ်။ သိရင်ပြောခဲ့ကြပါဦး။

ရခိုင် ဘုရင် " နိတိ စန္ဒြ " ဒင်္ဂါး

ရခိုင် ဘုရင် " နိတိ စန္ဒြ " ဒင်္ဂါး အကြောင်း အသေးစိတ် ကိုအရင်ပိုစ်တွေမှာ သေချာရေးပြီးသား ဖြစ်လို့ ထပ်မရေးတော့ပါ။

ကုန်ရောင်းပြေစာ (၂၆.၅.၇၆ )

ကိုယ်ကြိုက်တဲ့ ထွေရာလေးပါး စာရွက် အပိုင်းစ၊ သတင်းစာ အပိုင်းစတွေကို သိမ်းထားတာကြာပါပြီ။ အိမ်ပြောင်းတိုင်း သယ်သွားရလို့ တချို့ပျောက်ကုန်တယ်။ အဖိုးတန် စာအုပ်တွေ ၊ စာရွက်တွေ ဘယ်ကျန်ခဲ့မှန်း မသိတဲ့အခါ စိတ်မကောင်းဖြစ်ရတယ်။ နောက်တော့ စကင် ဖတ်ပြီး ဘလော့မှာ သိမ်းထားရင်ကောင်းမယ်လို့ စိတ်ကူးရလို့ စိတ်ကြိုက် စာအုပ် ခေါင်းစဉ်အောက်မှာ ခဏ သိမ်းထားပါတယ်။

၂၆.၅.၇၆ ခုနှစ်က ကုန်ရောင်းပြေစာ ဆိုပေမယ့် အဲဒိ ၇၆ ခုနစ်ဝန်းကျင်ကလူတွေ ဘယ်လိုစာမျိုးဖတ်လေ့ရှိတယ်၊ စာအုပ်ဈေးနှုန်း နှင့် ရောင်းဝယ်မှုပုံစံ ဆိုတာမျိုးသိခွင့်ရတယ်။

ဝယ်သူ အမည် - ဦးလှကြိုင်
လိပ်စာ - ၃ ၊ ကင်းဘဲလမ်း
နေ့စွဲ - ၂၆. ၅. ၇၆

စာအုပ်တွေက

၁။ Life of Buddha ၃၇ ကျပ် ၅၀ ပြား
၂။A western approach to Zen ၂၉ ကျပ် ၂၅ ပြား
၃။Religion & Society ၂၆ ကျပ် ၂၅ ပြား
၎။Vedanta for western world ၁၁ ကျပ် ၂၅ ပြား
၅။Buddhist Meditation ၂၂ ကျပ် ၅၀ ပြား

ကုန်ရောင်းပြေစာကို ကြည့်ပြီး စာအုပ်ဝယ်သူ ( စာဖတ်သူ )ဝယ်သွားတာ အင်္ဂလိပ် လိုရေးထားတဲ့ စာအုပ်တွေဖြစ်တယ်။ ဘာသာရေးစာအုပ်တွေဖြစ်တယ်။ ကုန်သွယ်ရေး ၊ ပြည်သူ့ဆိုင်ကဖြစ်တယ်။ ပြေစာမှာ မှတ်ချက်တောင်ပါသေးတယ် " ဝယ်ယူပြီးပစ္စည်းကို လဲလှယ်ခွင့်မပြု " တဲ့။

" ပျူ " မင်းဘွဲ့ အမည်များ

ပြည်တွင်း ၊ ပြည်ပ ပညာရှင်တွေ ပြုစုထားခဲ့တဲ့ " ပျူ " ` စာတမ်းတွေ အတော်များများ ရှိပြီးသားပါ။ အဲဒိ စာတမ်းတွေထဲက သက္ကတ လိုရေးထားတဲ့ " ပျူ " နာမည်တွေကို စာရင်း လုပ်ကြည့်တော့ ထင်သလောက်မလွယ်ပါ။ အဓိက အရေးကြီးဆုံး မူရင်း ( Primary Sources ) ဖြစ်တဲ့ အရိုးအိုးစာ ၊ ကျောက် ပလ္လင်စာ ၊ ငွေပလ္လင်စာ တွေမှာ ရေးထားတဲ့ သက္ကတရော " ပျူ " မူရင်းစာ တွေကို ဖတ်ဖို့၊ စိစစ်ဖို့လိုပါမယ်။

ဒေါက်တာသန်းထွန်း ရေး ပျူစာမှတ်တမ်းတွေမှာ တစ်လုံးစ နှစ်လုံးစ သိတဲ့ နာမည်တွေက
၁။ ဂုဟဒီပ ( မင်း ဆရာ )
၂။ စရ်ကေ
၃။ ဆော
၎။ ဇတြဒေဝိ
၅။ ဇယ စန္ဒြဝရ်မန် ( မင်းဘွဲ့ )
၆။ တြဥ
၇။ ဒဝိ
၈။ ဒံး
၉။ ဗာဒေဟိ
၁၀။ ဂုး
၁၁။ ရုဗ
၁၂။ သွး
၁၃။ သီဟ ဝိကြမ ( မင်းဘွဲ့ )
၁၄။ သူရိယ ဝိကြမ ( မင်းဘွဲ့ )
၁၅။ သြိဓတြ ( မင်းဘွဲ့ )
၁၆။ သြိတြိ ဝိဂြမ ( မင်းဘွဲ့ )
၁၇။ ဂြိဂုပ္တ ( မင်းဘွဲ့ )
၁၈။ ဂြိစန္ဒြ မဟာဒေဝီ ( မင်းမိဖုရား )
၁၉။ ဂြီနလန္ဒာ ယ ( မင်းဘွဲ့ )
၂၀။ ဂြီပြ ဘုဒေဝီ ( မင်းမိဖုရား )
၂၁။ ဂြီ ပြသုဝရ်မန် ( မင်းဘွဲ့ )
၂၂။ ဟရိ ဝိကြမ ( မင်းဘွဲ့ )

ဒေါက်တာတိုးလှ ပြုစုထားတဲ့ စာရင်းမှာ " သရေခေတ္တရာ မင်း " ၁၅ ပါးရှိတယ်။ အရိုးအိုးစာ ၊ ကျောက် ပလ္လင်စာ ၊ ငွေပလ္လင်စာ တွေမှာ တွေ့ရသမျှ မင်းဘွဲ့ နာမည်တွေဖြစ်တယ်လို့ ပြောထားပါတယ်။

၁။ ဂုပ္တ / ဂြီ ( ဒေါက်တာ သန်းထွန်း ၊ ခေတ်ဟောင်း၊ ၁၉၆၉ ၊ မျက် ၅၂ )
၂။ ဇတြတတ ( ဝိကြမ ) ( ဘုရားထောင် )
၃။ ဇ္နတြဝရ်မန် ( ကျောက်ဆင်းတု ပလ္လင်စာ )
၎။ ဇယ စန္ဒြဝရ်မန် ( ကျောက်ဆင်းတု ပလ္လင်စာ )
၅။ ဒေဝ မိတြ ( ဘုရားထောင် )
၆။ ဓမ္မဒိတျ ဝိကြမ ၊ ဩိ ( ဘုရားထောင် )
၇။ ပြန ပန ဝိကြမ ( ကျောက်ဆင်းတု ပလ္လင်စာ )
၈။ ပြဘုဝရ်မန် ( ငွေဆင်းတုစာ )
၉။ ရောရိစိန္ဒြ ( ကျောက်ဆင်းတု ပလ္လင်စာ )
၁၀။ ဗြိံ ထု ဝိကြမ ( ဘုရားထောင် )
၁၁။ ဝါရိ ဝိကြမ ( ( ကျောက်ဆင်းတု ပလ္လင်စာ )
၁၂။ သီဟ ဝိကြမ ( အရိုးအိုး ၊ ဘုရားထောင် )
၁၃။ သူရိယ ဝိကြမ ( အရိုးအိုး ၊ ဘုရားထောင် )
၁၄။ ဟရိ ဝိကြမ ( အရိုးအိုး ၊ ဘုရားထောင် )
၁၅။ အာဒိတြ ဝိကြမ ( ဘုရားထောင် )

မင်းဘွဲ့ နာမယ်တွေကို ရေးရာမှာ သက္ကတ နှင့်ရေးလို့ ဒီလိုနာမည်တွေသိရတယ်။ ။

သက္ကတ လိုရေးထားတဲ့ ဝက်ခေါင်းကုန်း ကျောက်စာအရ ဂြီကွေတြ ( သရေခေတ္တရာ) နှင့် ဝိကြမ မင်းဆက်ကို တည်ထောင်သူဟာ ဗိဿနိုးနတ်မင်းရဲ့ လက်ရုံး အနက်ရ ဟရိဝိကြမ မင်းဖြစ်တယ်။ နောက်ဆုံး အုပ်ချုပ်သွားတဲ့ မင်းဟာ ၇၁၈ မှာ နတ်ရွာစံတဲ့ ခြင်္သေ့ကဲ့သို့ ရဲရင့်သူ အနက်ရ သီဟ ဝိကြမ လို့ဆိုကြပြန်တယ်။

ဒီတော့ ဝိကြမ ဘွဲ့ခံ မင်းဆက်တွေရဲ့ " အစ နှင့် အဆုံး " အဖြေ ထွတ်လာတယ်လို့ နားလည်လာတယ်။ အပေါ်က စာရင်းနှစ်ခုထဲက မင်းဘွဲ့နာမည်တွေဟာ ဦးကုလား ၊ မှန်နန်း စတဲ့ ရာဇဝင် ကျမ်းတွေမှာထဲမှာ မပါ။

နန်ချောင်မင်း ပထမ မိုယွှန် ( I - Mou - Hsun , AD 779- 808 ) က ပျူတွေရဲ့ ဧရာဝတီ မြစ်ညှာပိုင်းကို ခရစ်နှစ် ၇၆၄ မှာ သိမ်းယူတယ်။ ခရစ် နှစ် ၈၀၂ ခုနှစ်မှာ တရုတ် ထန် ( Tang ) မင်းဆက်မြို့တော် ချန်အန်း (Ch'ang-An ) ကို သံအဖွဲ့ စေလွတ်တဲ့အခါ သူ့လက်အောက်ခံ အဖွဲ့ငယ် အနေနှင့် " ပျူ " တီးဝိုင်း ကိုပါထည့်သွင်း စေလွတ်ခဲ့ပါတယ်။

မှတ်တမ်းတွေအရ ပျူ မင်းအမည်ဟာ ကုမရ စန္ဒြ ဖြစ်ပြီး ၊ တီးဝိုင်းခေါင်းဆောင် အဖြစ်လိုက်ပါလာတဲ့ သီပေါမြို့စား သုနန္ဒက ပျူမင်းရဲ့သားတော်ဖြစ်တယ်လို့ ဆိုတယ်။ အဲဒိ နာမည်တွေ အပေါ်က စာရင်း နှစ်ခုမှာ မပါတာကိုလည်း သတိထားမိပါတယ်။

မင်းဘွဲ့ အမည်ပါ ပျူ ကျောက်အရိုးအိုးများ

" ငတပါးမင်း" များ

မင်းမျိုးမဟုတ်သည့် ငတစ်ပါးမင်း များသာဖြစ်သော

(၁) ထိလိုင်မင်း ( အများအခေါ် ကျန်စစ်သား )
(၂) ရာဇာဓိပတိ ( အများအခေါ် ဓမ္မစေတီ )
(၃) ဆင်ဖြူများသျှင် ( အများအခေါ် ဘုရင့်နောင် )
(၄) ဗြဟိုင်းဓိရာဇာ ( အများအခေါ် ဗညားဒလ ) နှင့်
(၅) အလောင်းမင်းတရား

တို့နိုင်ငံနှင့် ပြည်သူ၏အကျိုးကို အနည်းနည်းအဖုံဖုံ ကြိုးစားဆောင်ရွက်ကြောင်းကို တွေ့ရှိကြရပါသည်။ ထိုမင်းအားလုံးပင် " ငတပါးမင်း" များဖြစ်၍ မှတ်တမ်းများကို စုပေါင်းလေ့လာသောအခါ ထိုသူများသာ ထူးခြားစွာ ရှေ့တန်းက ပေါ်လာခြင်းမှာ တိုက်ဆိုင်မှုမဟုတ်ပါ။ သူတို့ ကြိုးစားဆောင်ရွက်ခြင်း တကယ်ထင်ရှားရှိသဖြင့် ပေါ်လွင်လာရခြင်းပင် ဖြစ်ပါသည်။ စင်စစ်အားဖြင့် ထိုသူများမှာ တိုင်းပြည်တွင် အခြေနေအရ လိုအပ်သဖြင့် ပြည်သူလူထုထဲမှ ပေါ်ထွက်လာသူများပင် ဖြစ်ပါသည်။ ဤသည်တို့မှာ ကျွန်တော်တို့ မြန်မာနိုင်ငံအတွက် သမိုင်းကပေးသော သင်ခန်းစာများ ဖြစ်ပါသည်။

ဒေါက်တာသန်းထွန်း ၊ အစောဆုံး အက္ခရာတင် တိုင်းရင်းမြန်မာမှတ်တမ်းများ ၊ စာမျက်နှာ ၈၀ ။

မူလ
သန်းထွန်း ၊ ရှေးမွန်ကျောက်စာပါ သမိုင်းအထောက်အထားများ ။
အတွဲ ၄၊ အပိုင်း ၄၊ ၁၉၆၉
တက္ကသိုလ်ပညာပဒေသာစာစောင်
စာမျက်နှာ ၃၇-၆၇