မြောက်ဦး ရှေးဟောင်းဘုရားဌာပနာ နေပြည်တော် ပင့်ဆောင်ရေး ဒေသခံများ ကန့်ကွက်

မြောက်ဦး ရှေးဟောင်းဘုရားဌာပနာ နေပြည်တော် ပင့်ဆောင်ရေး ဒေသခံများ ကန့်ကွက်
By မသင်းသီရိ စနေ, 04 ဇွန် 2011

ရခိုင်ပြည်နယ် မြောက်ဦးမြို့မှာရှိတဲ့ လောကမဉ္ဇူ ရှေးဟောင်း စေတီတော်ကို ပြန်လည် ပြုပြင်နေစဉ်အတွင်း စေတီတော်အတွင်းက တွေ့ရှိတဲ့ ရှေးဟောင်း ဘုရားဌာပနာတွေကို နေပြည်တော်ဆီ ပင့်ဆောင်မယ် ဆိုတဲ့အတွက် ဒေသခံတွေ မကျေမနပ်ဖြစ်ပြီး ဒီကနေ့ မနက်ပိုင်းက ကန့်ကွက်မှုတွေ ဖြစ်ခဲ့ပါတယ်။ ဌာပနာတွေထဲမှာ ရွှေချိန် ၄ ပိဿာကျော်ရှိတဲ့ ရှေးဘုရား ဆင်းတုတော်ကြီး အပါအ၀င် တခြား ရှေးကျတဲ့ စေတီ ဌာပနာတွေကို မြောက်ဦး ရှေးဟောင်းပြတိုက်မှာ သိမ်းဆည်းထားရာကနေ အခု ရတနာ့မာန်အောင် ဘုန်းကြီးကျောင်းကို ဒေသခံတွေက ပြောင်းရွှေ့ထားလိုက်ကြပါတယ်။ အပြည့်အစုံကို ဆက်သွယ်မေးမြန်းထားတဲ့ မသင်းသီရိက တင်ပြပေးထားပါတယ်။

ပျက်စီးယိုယွင်းနေတဲ့ ရှေးဟောင်း လောကမဉ္ဇူ စေတီကို ပြန်လည်မွမ်းမံဖို့ ပြင်ဆင်ရာကနေ မေလ ၃၀ ရက်နေ့ညနေက ရွှေချိန် ၄ ပိဿာကျော်ရှိတဲ့ ရှေးဟောင်း ဆင်းတုတော် အပါအ၀င် တခြား ဌာပနာ ၃၈ မျိုးကို စေတီတော် အတွင်းမှာရှိတဲ့ ဘုရားပလ္လင်ရဲ့ နောက်ပိုင်းကနေ တွေ့ရှိခဲ့ကြတာဖြစ်ပြီး ဒီ ရှေးဟောင်း ဌာပနာတွေကို မြောက်ဦးမှာရှိတဲ့ ရှေးဟောင်းပြတိုက်မှာ သိမ်းဆည်းထားကြတာပါ။

ဒါပေမဲ့ အဲဒီ ဘုရားဌာပနာတွေထဲက ၂၇ ခုကို အရည်အသွေး စစ်ဆေးဖို့ နေပြည်တော်ကို ပင့်ဆောင်မယ်ဆိုပြီး စစ်တွေ ရှေးဟောင်းသုတေသန ဌာနခွဲ လက်ထောက်ညွှန်ကြားရေးမှူးက ဒီကနေ့မနက် မြောက်ဦးကို ရောက်လာခဲ့ပြီး ဒီသတင်းကို သိသွားတဲ့ ဒေသခံ အများအပြား မကျေမနပ်ဖြစ်ပြီး ကန့်ကွက်မှုတွေ ဖြစ်ခဲ့တယ်လို့ မြောက်ဦးဒေသခံ ဦးရွှေတင်က ပြောပြပါတယ်။

“ရတနာ့မာန်အောင် ဆရာတော်ရဲ့ ဒကာ မန္တလေးက သူဌေး၊ ဒေါက်တာသန်းထွန်းက ပြုပြင်တာ။ ပြုပြင်တဲ့ အချိန်မှာ မထင်မှတ်ဘဲ သွားတွေ့တာ။ ဒီနေ့မနက် ၉ နာရီခွဲလောက်မှာ ရှေးဟောင်းသုတေသန ဌာနခွဲ စစ်တွေရဲ့ လူကြီးပေါ့၊ အဲဒီလူကြီးက မြောက်ဦးကို သူ့ရဲ့ Super Roof ကားလေးနဲ့ လာပြီးတော့ အဲဒီဘုရားတွေကို နေပြည်တော်ကို တင်မယ်၊ သတ္တုရဲ့ အရည်အသွေးကို ဆန်းစစ်မယ် ဆိုပြီးတော့ လာတယ်။

“မြို့ကလူတွေက ဘယ်လိုမှ လက်မခံနိုင်ဘူး ဖြစ်သွားကြတာပေါ့လေ။ မြောက်ဦးက တကယ့် နိုင်ငံတော် သံဃာ့မဟာ နာယက ဆရာတော်ကြီးတွေ ရှိတယ်ဗျာ၊ ပြီးရင် လွှတ်တော်အမတ်တွေ ရှိတယ်ဗျာ၊ မြိ်ု့မိ မြို့ဖတွေ ရှိတယ်ဗျာ၊ အဲဒါတွေက မြောက်ဦး ယဉ်ကျေးမှု ပြတိုက်မှာပဲ ထားသင့်ပါတယ် ဆိုတဲ့ဟာကို သွားပြီး အရေုးဆိုကြတာပေါ့။ အဲဒီ အရေးဆိုတဲ့ အချိန်မှာ လူထုတွေက အများကြီးပဲ။

“ရွှေချိန် ၄ ပိဿာနဲ့ ၆၄ ကျပ်သား ရွှေဆင်းတုတခု ပါတယ်။ သူက လေးမြို့ခေတ်က၊ ဓည၀တီခေတ်ကဟာ ပါတယ်၊ ပြီးရင် မြောက်ဦးခေတ်ကဟာ ပါတယ်။ ရွှေဆင်းတု ပါတယ်၊ ကျောက်ဆင်းတု ပါတယ်၊ ကြေးဆင်းတု ပါတယ်။ သလင်းဆင်းတုလည်း ပါတယ်ဗျ။”

မြောက်ဦးမှာ တွေ့ရှိတဲ့ ရှေးဟောင်း အမွေအနှစ်တွေကို မြောက်ဦးမှာပဲ ထိန်းသိမ်းစောင့်ရှောက်ခွင့် ရှိသင့်တယ်လို့ ရခိုင်ပြည်နယ် ယဉ်ကျေးမှုဝန်ကြီး ဦးအောင်သန်းတင်ကလည်း ပြောပါတယ်။ မနေ့က မြောက်ဦးမြို့မှာရှိတဲ့ ဒီ ရှေးဌာပနာတွေကို သူသွားကြည့်အပြီး ဒီကနေ့ စစ်တွေမြို့ကို ပြန်အရောက်မှာ အခုလို နေပြည်တော်ကို ပင့်ဆောင်တော့မယ်ဆိုတဲ့ သတင်းတွေ မြောက်ဦးကနေ သူ့ကို လှမ်းပြောလာကြတာ ဖြစ်တယ်လို့လည်း ပြောပါတယ်။

“ဒီနေ့ သူတို့က ဖုန်းဆက်လို့ သွားကြည့်တာ။ သွားကြည့်တော့ ပြတိုက်မှာ တွေ့တယ်။ တွေ့တော့ ကျနော်က ဘုရားကို မ,ကြည့်တော့ လေးတယ်ဆိုပြီး ပန်းထိမ်ဆရာကို ခေါ်ပြီး စစ်ကြည့်မှ ရွှေဘုရားလို့ သိတာပါ။ ဒီဘုရားကို မြောက်ဦးမှာ ဗိမာန်တခု ဆောက်ပြီးတော့ ထားစေချင်ပါတယ်။ မြို့လူထု လက်ထဲမှာပဲ ရှိစေချင်တယ်၊ ဒီဘုရားက။”

ရခိုင်ပြည်နယ် ယဉ်ကျေးမှုဝန်ကြီး ဦးအောင်သန်းတင် ပြောပြသွားတာ ဖြစ်ပါတယ်။

အခုနောက်ဆုံး သတင်းတွေအရတော့ နေပြည်တော်ကို ပင့်ဆောင်မယ့် အစီအစဉ်ကို ရပ်ထားလိုက်ပါတယ်။ ဒါပေမဲ့ ဒေသခံတွေက စိတ်မချတော့တဲ့အတွက် ဒီ ရှေးဘုရား ဌာပနာတွေကို မြောက်ဦးဒေသခံတွေ ကိုးကွယ်တဲ့ ရတနာ့မာန်အောင် ဆရာတော်ကျောင်းကို ပြောင်းပြီး ပင့်ဆောင်ထားလိုက်ပြီလို့လည်း ဦးရွှေတင်က ပြောပြပါတယ်။

“ရှင်းရှင်းပြောရရင်တော့ ကျနော်တို့ ယဉ်ကျေးမှု အမွေအနှစ်တွေက တော်တော်များများ မလုံမခြုံတဲ့ သဘောမှာ ရှိတယ်ဗျ။ ဒါကြောင့် ဒါကို အပြင်ထွက်သွားရင် ပြန်လာမလား၊ ပြန်မလာဘူးလား၊ အဲဒါကို လူတွေက သံသယစိတ်တွေ ၀င်သွားကြတာပေါ့လေ။ အဲဒါ နောက်ဆုံးပိတ် ရတနာ့မာန်အောင် ဆရာတော်ရဲ့ ကျောင်းမှာပဲ ထားမယ်ဆိုတဲ့ ဆုံးဖြတ်ချက် ထွက်လာတဲ့အတွက် အဲဒါကို ကားနဲ့ သယ်ပြီးတော့ ရတနာ့မာန်အောင် ကျောင်းကို ပင့်ဆောင်သွားပါပြီ။”

တောင်တန်းတွေဝန်းရံပြီး တမျှော်တခေါ် ကြည့်မဆုံးအောင်ကိုရှိတဲ့ မြောက်ဦးမြို့က ဘုရားပုထိုးတွေဟာ ရှေးလက်ရာ အမွေအနှစ်တွေမို့ အဖိုးမဖြတ်နိုင်လောက်အောင်ကို တန်ဖိုးရှိလှတာပါ။ ဒီလို တန်ဖိုးရှိလှတဲ့ ရှေးဘုရားပုထိုးတွေကို ရေရှည် ထိန်းသိမ်းထားနိုင်ဖို့ လိုသလို အခုဆိုရင် ဒီရှေးလက်ရာ အများအပြား ပျက်စီးမှုတွေ ကြုံနေရပြီလို့လည်း ပြောပါတယ်။

“ကျနော်တို့ မြောက်ဦးက တောင်တွေ ထပ်ပြီးတော့ ရှိနေတဲ့မြို့ဗျ။ အဲဒီ တောင်တိုင်း တောင်တိုင်းက စေတီ ပုထိုးတွေချည်းပဲ။ တအားများတယ်၊ ကြည့်လိုက်ရင် အကုန်လုံး အပျက်တွေချည်းပဲ။ ဒါပေမဲ့ ဒီဘက်က နိုင်ငံတော် အပိုင်းကလည်း ပြုပြင်သလောက်တော့ ပြုပြင်တာပေါ့ဗျာ။ ပြုပြင်ပေမဲ့ ရှိနေတဲ့ဟာနဲ့ ပြုပြင်တာနဲ့ ဘယ်လိုမှ လိုက်မမီဘူး။ ရှိတဲ့ဟာက အများကြီး၊ လုပ်တဲ့ဟာက နည်းနည်းလေးဆိုတော့ ဘယ်လိုမှ လိုက်မမီဘူးဗျ၊ အကုန်လုံး ပြိုတာ ပျက်တာတွေချည်းပဲ။ ကျနော်တို့ မြောက်ဦးမြို့ရဲ့ လူဦးရေနဲ့လည်း ဒါတွေကို ပြုပြင်နိုင်ဖို့ဆိုတာ ဘယ်လိုမှ မဖြစ်နိုင်ဘူး။”

မြောက်ဦးမြို့ခံ ဦးရွှေတင် ပြောပြခဲ့တာ ဖြစ်ပါတယ်။

မနှစ် နိုဝင်ဘာတုန်းကလည်း ရခိုင်ပြည်နယ်၊ မြောက်ဦးမြို့က ရှေးဟောင်း သမိုင်းဝင် နေရာတွေကို ဖြတ်သန်းဖောက်လုပ်မယ့် ရထားလမ်း ဖောက်လုပ်မယ် ဆိုတဲ့အတွက် ရဟန်းသံဃာတွေ အပါအ၀င် ဒေသခံတွေက လမ်းကြောင်းပြောင်း ဖောက်လုပ်ဖို့ အာဏာပိုင်တွေကို ကန့်ကွက်တာတွေ လုပ်ခဲ့ကြရပါတယ်။

Credit to VOA news

ထိုင်း၊ ကမ္ဘောဒီးယားနယ်စပ် လက်နက်ကြီးများ ပစ်ခတ်

ထိုင်း၊ ကမ္ဘောဒီးယားနယ်စပ် လက်နက်ကြီးများ ပစ်ခတ်

By ဗွီအိုအေ (မြန်မာဌာန) တနင်္ဂနွေ, 06 ဖေဖော်ဝါရီ 2011

ထိုင်းစစ်တပ်ဘက်က နယ်စပ်ကိုဖြတ်ပြီး အမြောက် လက်နက်ကြီးတွေနဲ့ ပစ်ခတ်တိုက်ခိုက်ခဲ့မှုကြောင့် ကမ္ဘောဒီးယားနိုင်ငံရဲ့ ၁၁ ရာစုနှစ် ဟိန္ဒူဘုရားကျောင်းရဲ့ တစိတ်တပိုင်း ထိခိုက် ပျက်စီးခဲ့ရတယ်လို့ ကမ္ဘောဒီးယား အစိုးရက ပြောလိုက်ပါတယ်။

ထိုင်းစစ်တပ်က လက်နက်ကြီးတွေနဲ့ ပစ်ခတ်မှုရဲ့ ရလဒ်အဖြစ် ကုလသမဂ္ဂရဲ့ ထိန်းသိမ်းထားသင့်တဲ့ ရှေးဟောင်း အမွေအနှစ် စာရင်းဝင် ဖရာ့ဝိဟာရ ဘုရားကျောင်းရဲ့ တစိတ်တပိုင်း ပျက်စီးဆုံးရှုံးခဲ့ရတဲ့ သတင်းကို ပြင်သစ် သတင်းဌာနတခုကို ကိုးကားပြီး ကမ္ဘောဒီးယား အစိုးရက ထုတ်ပြန် ကြေညာခဲ့ပါတယ်။ အဲဒီကြေညာချက်အပေါ် ထိုင်းအစိုးရက တုံ့ပြန်မှု တစုံတရာ မရှိသေးဘူးလို့ ဆိုပါတယ်။

တနင်္ဂနွေနေ့က အငြင်းပွားနေကြတဲ့ ဘုရားကျောင်းနားမှာ ထိုင်းနဲ့ ကမ္ဘောဒီးယား တပ်ဖွဲ့တွေ တိုက်ခိုက်မှု အသစ်တွေ ပြန်ဖြစ်ခဲ့ပြီး ယာယီ အပစ်အခတ် ရပ်စဲဖို့ သဘောတူညီချက်နဲ့ အဆုံးသတ်ခဲ့တယ်လို့ ဆိုပါတယ်။

ထိုင်းလူမျိုး အများစုက သဘောမတူပေမဲ့ ၁၉၆၂ ခုနှစ် နိုင်ငံတကာ တရားရုံးက ထိုင်း၊ ကမ္ဘောဒီးယား နယ်စပ်က ဘုရားကျောင်းကို ကမ္ဘောဒီးယား ပိုင်ဆိုင်တယ်လို့ ဆုံးဖြတ်ခဲ့ပါတယ်။

ထိုင်းဝန်ကြီးချုပ်က ဒီအငြင်းပွားမှုကို ငြိမ်းချမ်းတဲ့နည်းနဲ့ အဖြေရှာဖို့ ပြောပြီး နာရီအနည်းငယ် အကြာမှာ ဖြစ်ခဲ့တဲ့ တိုက်ခိုက်မှုကြောင့် လူ ၁၀ ဦး ထိခိုက်ဒဏ်ရာရခဲ့တယ်လို့ ထိုင်းသတင်းစာတွေက ဖော်ပြပါတယ်။

စနေနေ့က ထိုင်းနိုင်ငံ People's Alliance for Democracy ပါတီအဖွဲ့ဝင် ၂,၀၀၀ လောက် ဘန်ကောက်မှာ စုရုံးပြီး ပိုပြီး တင်းမာပြတ်သားတဲ့ ရင်ဆိုင်မှုမျိုးလုပ်ဖို့ ၀န်ကြီးချုပ်ကို တောင်းဆိုခဲ့ပါတယ်။

ကမ္ဘောဒီးယားနိုင်ငံမှာတော့ နိုင်ငံခြားရေးဝန်ကြီး ဟော် နမ်ဟွန်း (Hor Namhong) က သူ့အဆိုအရ ထိုင်းတပ်ဖွဲ့တွေရဲ့ ဗြောင်ကျကျ ရန်လိုမှုနဲ့ ပတ်သက်ပြီး ကမ္ဘာ့ကုလသမဂ္ဂကို တင်ပြ တိုင်တန်းမယ်လို့ ဆိုပါတယ်။

Credit to VOA Burmese Services

ထိုင်းနဲ့ကမ္ဘောဒီးယားနယ်စပ် အပစ်ရပ်ဖို့သဘောတူ

Photo by The Mirror ( Cambodia )

Photo by The Mirror ( Cambodia )

ထိုင်းနဲ့ကမ္ဘောဒီးယားနယ်စပ် အပစ်ရပ်ဖို့သဘောတူ

By Ron Corben's Report in Burmese စနေ, 05 ဖေဖော်ဝါရီ 2011

အနည်းဆုံး စစ်သားတယောက် သေဆုံးခဲ့ရတဲ့ နှစ်နိုင်ငံ နယ်စပ်အငြင်းပွားမှုနဲ့ပတ်သက်လို့ တိုက်ပွဲတွေ ထပ်မံဖြစ်ခဲ့ပြီးတဲ့နောက် စနေနေ့မှာပဲ ထိုင်းနဲ့ကမ္ဘောဒီးယား နိုင်ငံတို့ဟာ အပစ်အခတ်ရပ်စဲရေးလုပ်ဖို့ သဘောတူခဲ့ကြပါတယ်။ ဒီအကြောင်း ဘန်ကောက် မြို့တော်ကနေ ဗွီအိုအေ သတင်းထောက် Ron Corben က သတင်းပေးပို့ထားတာကို မနန္ဒာချမ်း က အပြည့်အစုံ တင်ပြထားပါတယ်။

နှစ်နိုင်ငံ နယ်စပ်တလျှောက် ထိုင်းနဲ့ ကမ္ဘောဒီးယားတပ်တွေဟာ လက်နက်ကြီးတွေနဲ့ အပြန်အလှန် ပစ်ခတ်ခဲ့ကြပြီးတဲ့နောက်ပိုင်း မနေ့က စနေနေ့နှောင်းပိုင်းမှာတော့ ရေရေရာရာမရှိလှတဲ့ အပစ်အခတ် ရပ်စဲရေး ထွက်ပေါ်လာပါတယ်။ တနှစ်အတွင်း ဒီနယ်မြေမှာ ပထမဆုံး အသေအပျောက်တွေရှိခဲ့တဲ့ တိုက်ခိုက်မှုတွေ ဖြစ်ပွားရတဲ့အတွက် နှစ်နိုင်ငံ စစ်တပ်အရာရှိတွေကတော့ တဖက်ကိုတဖက် အပြစ်တင်နေ ကြတာပါ။ ထိုင်းအစိုးရပြောခွင့်ရသူ ပန်နိတန် ၀ါတန်ရာဂွန် ကတော့ စစ်တပ်မှာ ပစ်ခတ်ခွင့်အတွက် တိတိကျကျ သတ်မှတ်ပြဌာန်းထားတာတွေ ရှိတဲ့အကြောင်းနဲ့ ဒါကိုလည်း ကမ္ဘောဒီးယားနိုင်ငံကို အသိပေးထားတယ်လို့ ဆိုပါတယ်။

“စစ်ဘက်ဆိုင်ရာ ပစ်မှတ်တွေကို တိုက်ခိုက်ခံရတဲ့အခါမျိုးကိုသာ ဘယ်လိုလက်တုံ့ပြန်ရမလဲ ဆိုတာကို ကျနော်တို့က ညွှန်ကြားထားပြီးသား ဖြစ်ပါတယ်။ ဒီရည်ရွယ်ချက်နဲ့ပတ်သက်လို့ နိုင်ငံခြားရေးဝန်ကြီးဌာနက တာဝန်ရှိသူတွေအနေနဲ့ ကမ္ဘောဒီးယားနိုင်ငံက ရှင်းရှင်းလင်းလင်းသိနိုင်အောင် ဆက်သွယ်အကြောင်းကြားဖို့ အတွက်လည်း ၀န်ကြီးချုပ်က ပြောထားပါတယ်။ ငြိမ်းချမ်းတဲ့ အဖြေတရပ်ရဖို့အတွက်လည်း ကမ္ဘောဒီးယား နိုင်ငံနဲ့ အတူပူးတွဲ ဆောင်ရွက်သွားနိုင်မယ်လို့လည်း ၀န်ကြီးချုပ်က မျှော်လင့်ထားတာပါ။ နှစ်ဘက်စလုံးမှာ ထိခိုက်ဒဏ်ရာရတာတွေ ရှိခဲ့တဲ့အတွက်ကတော့ ၀မ်းနည်းစရာ ဖြစ်ပါတယ်။”

ထိုင်း-ကမ္ဘောဒီးယား နှစ်နိုင်ငံနယ်စပ်က အချေအတင်ဖြစ်နေတဲ့ နေရာက နှစ်ပေါင်း ၉၀၀ သက်တမ်းရှိပြီ ဖြစ်တဲ့ ပရ၀ိဟာရ (Preah Vihear) ဘုရားကျောင်းအနီးမှာ ပြီးခဲ့တဲ့သောကြာနေ့နှောင်းပိုင်းက တိုက်ပွဲတွေ စတင်ဖြစ်ပွားခဲ့တာပါ။ ရှေးဟောင်း ဟိန္ဒူဘုရားကျောင်းကို ပိုင်ဆိုင်နိုင်ဖို့နဲ့ အငြင်းပွားစရာ နယ်မြေပိုင်နက် ကိစ္စတွေနဲ့ပတ်သက်ပြီး အိမ်နီးချင်းနှစ်နိုင်ငံကြားမှာ ဖြစ်ပွားတဲ့ တိုက်ပွဲတွေအနက် ဒါဟာနောက်ဆုံး ဖြစ်ရပ်တခုလည်း ဖြစ်ပါတယ်။ ကမ္ဘောဒီးယားရော ထိုင်းနိုင်ငံကပါ ဒီဘုရားကျောင်းကို သူပိုင်ကိုယ်ပိုင် တောင်းဆိုနေခဲ့ကြတာဖြစ်ပါတယ်။ ဒါပေမဲ့လည်း ၁၉၆၂ ခုနှစ် ကမ္ဘာ့ခုံရုံးကနေ ဒီဘုရားကျောင်းကို ကမ္ဘောဒီးယားက ပိုင်ဆိုင်ကြောင်း ဆုံးဖြတ်ထားခဲ့တာ ဖြစ်သလို ၂၀၀၈ ခုနှစ်မှာ ဒီဘုရားကျောင်းဟာ ကမ္ဘာ့ယဉ်ကျေးမှု အမွေအနှစ်တခုအဖြစ် ကြေညာထားခဲ့တာပါ။

ဒါပေမဲ့လည်း ဘုရားကျောင်းအနီး နယ်မြေကိုတော့ ၂ ဖက်အကြား သဘောတူညီမှု မရနိုင်သေးတဲ့အတွက် မကြာခဏဆိုသလို တိုက်ခိုက်မှုတွေ ဖြစ်ပွားလေ့ရှိပါတယ်။ နယ်စပ် အငြင်းပွားမှုတွေနဲ့ ပတ်သက်လို့ ထိုင်းဝန်ကြီးချုပ် အဘိဆစ် ၀ိဂျာဂျီဝ အနေနဲ့ ခပ်တင်းတင်း ကိုင်တွယ်ဖို့ နိုင်ငံရေးမှာ သြဇာညောင်းတဲ့ ထိုင်းအမျိုးသားရေးဝါဒီ အုပ်စုကတောင်းဆို ဆန္ဒပြမှုတွေ ထွက်ပေါ်ခဲ့တဲ့အတွက် မကြာသေးခင် ရက်တွေအတွင်း တင်းမာမှုတွေ ပိုပြီးကြီးထွားလာတာပါ။

နှစ်နိုင်ငံစလုံး အသင်းဝင်အဖြစ်ပါဝင်နေတဲ့ အရှေ့တောင်အာရှနိုင်ငံများအသင်း (အာဆီယံ) ထဲမှာ နိုင်ငံရေးအရ လုံခြုံစိတ်ချရမှုတွေ ရှိစေဖို့နဲ့ ဆက်ဆံရေးတွေ ပိုမိုတိုးမြှင့်သွားဖို့ အစီအစဉ်တွေအပေါ် အခုတိုက်ခိုက်မှုတွေက ထိခိုက်စရာတွေ ဖြစ်ခဲ့ရတယ်လို့လည်း နိုင်ငံရေးအကဲခတ်တွေက မြင်ကြပါတယ်။ အာဆီယံ အတွင်းရေးမှူးချုပ် ဆူရင် ပီဆူဝမ် ကလည်း ပဋိပက္ခဖြစ်ခဲ့တဲ့အပေါ် အလွန်အမင်း စိုးရိမ်မကင်းဖြစ်ရကြောင်း ပြောဆိုခဲ့သလို သွေးထွက်သံယိုမှုတွေကို ရပ်တန့်ဖို့နဲ့ ဆွေးနွေးမှုတွေ လုပ်ဖို့အတွက်လည်း တောင်းဆိုခဲ့တာပါ။ နှစ်ဖက်စလုံးကတော့ အာဆီယံအသင်းက ကြားဝင် စေ့စပ်ပေးဖို့အတွက် လိုလားပုံရတယ်လို့လည်း အတွင်းရေးမှူးချုပ်က ပြောဆိုခဲ့တာ ဖြစ်ပါတယ်။

Credit to VOA Burmese Services

သူ

ပုံကို ထူးအိမ်သင်ဒေါ့ ကွန်း ကရလာတယ်။


သူပြန်ဆိုထားတဲ့ " ပန်းတွေနှင့်ဝေ "

http://www.mediafire.com/?dxbjbs90uz355x4

ထူးအိမ်သင် လက်ရေးမူကို မြန်မာကျူးပစ် ကရလာတယ်။

သူ. အုတ်ဂူကို မရောက်ဖူးပါ။ ပုံကို ထူးအိမ်သင်ဒေါ့ ကွန်း ကရလာလို့ ဒီမှာတင်လိုက်ပါတယ်။

နစ်မြုပ်နေသာ ဓမ္မစေတီမင်း ခေါင်းလောင်း

ရန်ကုန်မြစ် သုံးဆိုင် အတွင်း နစ်မြုပ်နေသာ ဓမ္မစေတီမင်း ခေါင်းလောင်း တော်ကြီး၏ တည်နေရာနှင့် ပုံရိပ်ကို ဖမ်းယူ နိုင်ပြီ
by ခင်နွယ်ဝင်း ၊ မြန်မာပို့စ် သတင်းဂျာနယ် ၊ မေ ၂၆ ၂၀၁၀ ။
http://www.themyanmarpost.com/2010/05/%E1%80%9B%E1%80%94%E1%80%B9%E1%80%80%E1%80%AF%E1%80%94%E1%80%B9%E1%80%BB%E1%80%99%E1%80%85%E1%80%B9-%E1%80%9E%E1%80%B6%E1%80%AF%E1%80%B8%E1%80%86%E1%80%AF%E1%80%AD%E1%80%84%E1%80%B9-%E1%80%A1%E1%80%90/

ရန်ကုန်မြစ်၊ ပဲခူးမြစ်နှင့် ပုဇွန်တောင် ချောင်း မြစ်သုံးဆိုင် အတွင်း နစ်မြုပ် နေသော ဓမ္မစေတီမင်း ခေါင်းလောင်း တော်ကြီးကို အဖွဲ့အသီးသီး က နှစ်ရှည်လများ အကြိမ် ပေါင်းများစွာ ရှာဖွေ သော်လည်း ရလဒ် ပီပီ ပြင်ပြင် မရရှိ ခဲ့ကြောင်းသိရသည်။ သြစတြေး လျနိုင်ငံ အခြေစိုက် ANIMAX Films က History Maker များအနေဖြင့် Documentary Film ထုတ်လုပ်ရေး အတွက် ခေတ်မီ ပစ္စည်း ကိရိယာများ အသုံးပြု၍ ရှာဖွေမှုများ ပြုလုပ်ခဲ့ရာ နစ်မြုပ် နေသည့် ခေါင်းလောင်း တော်ကြီး၏ ပုံရိပ်ဟု ယူဆ ရသော နေရာ နှစ် နေရာကို ဖမ်းယူ ရရှိ ခဲ့ကြောင်း၊ သို့သော် သေချာစွာ အတည်ပြု ပေးနိုင်ရေး အတွက် ကိုယ်တိုင် ကိုယ်ကျ ရေငုပ် စမ်းသပ် အတည် ပြုရန် လိုအပ်ကြောင်း သိရသည်။

ခေါင်းလောင်းတော်ရှာဖွေသည့် ANIMAX Films

ဓမ္မစေတီမင်း ခေါင်းလောင်းတော်ကြီး ရှာဖွေ နေသည့် ANIMAX Films အဖွဲ့တွင် ဒါရိုက်တာ မစ္စတာ ဒမ်မီယန်လေး၊ Sonar Technician မစ္စတာဂျရမီရိုက်စ်၊ Commercial Diver မစ္စတာ မာ့ခ်အိဗ်တို့ ပါဝင် သည်။ အဆိုပါ အဖွဲ့သည် ၁၉၃၅ခုနှစ်က မွန်ပြည်နယ်၊ ရေးမြို့နယ် အေးကျွန်း အနီး ပျက်ကျ ခဲ့သည့် နှစ်ယောက်စီး လေယာဉ်ကို ရှာဖွေရေး လုပ်ငန်း ဆောင်ရွက်ရန် အတွက် မြန်မာနိုင်ငံ သို့ အဓိက ရောက်ရှိ လာခြင်း ဖြစ်ပြီး ဓမ္မစေတီ ခေါင်းလောင်း တော်ကြီး ရှာဖွေမှုတွင် ကူညီ ဆောင်ရွက်ခြင်း ဖြစ်သည်။

ခေါင်းလောင်းတော်ကြီး၏ သမိုင်းအကျဉ်း

ဓမ္မစေတီမင်း၏ ကောင်းမှု ဖြစ်သော ဓမ္မစေတီမင်း ခေါင်းလောင်းကြီးကို မြန်မာ သက္ကရာဇ် ၈၃၇ ခုနှစ်က သွန်းလုပ် ခဲ့ကာ ၈၃၈ ခုနှစ်တွင် ရွှေတိဂုံ စေတီတော်ကြီးတွင် တင်လှူ ပူဇော်ခဲ့ပြီး ၉၇၄ ခုနှစ်၌ မြစ်ထဲတွင် နစ်မြုပ် သွားခြင်းဖြစ်သည်။ ခေါင်းလောင်း တော်ကြီး၏ အမြင့်မှာ ၁၈ ပေ ရှိပြီး အ၀ အကျယ်မှာ ၁၂ ပေရှိသည်။ အလေးချိန် အားဖြင့် တန်ချိန် ၃၀၀ ခန့် (ပိဿာချိန် အားဖြင့် ၁,၈၀,၀၀၀) ခန့် ရှိသည်။

ခေတ်မီနည်းပညာများသုံး၍ ရှာဖွေခဲ့

ဓမ္မစေတီမင်း ခေါင်းလောင်းတော်ကြီး ကို ယခု ရှာဖွေ ရာတွင် Sonar System နှစ် မျိုးဖြစ်သည့် Lowrance HDS 7 Structrue Scan နှင့် Starfish Side Scan စနစ်တို့ကို အသုံးပြု ခဲ့သည်ဟု သိရသည်။ ရှာဖွေရေး လုပ်ငန်း ဆောင်ရွက်ရန် နိုင်ငံတော် အစိုးရထံ တင်ပြကာ ခွင့်ပြုချက် ရယူပြီးမှ လုပ်ငန်း ဆောင်ရွက် ခဲ့ခြင်း ဖြစ်ကာ လုပ်ငန်း ဆောင်ရွက်မှု ပထမအကြိမ် အဖြစ် ဧပြီ ၂ ရက်မှ ၅ ရက်အထိ လေးရက် ကြာဆောင် ရွက်ခဲ့ပြီး ဧပြီ ၁၃ရက်တွင် ရှာဖွေရေး လုပ်ငန်း ကို ထပ်မံ ဆောင်ရွက် ခဲ့သည်ဟု သိရသည်။

ရှာဖွေရေးလုပ်ငန်းစဉ်

ရှာဖွေရေး လုပ်ငန်း၏ ပထမအဆင့် အဖြစ် လျာထားနေရာ ဖြစ်သည့် ပဲခူးမြစ်မှ စတင်ပြီး ဖောင်တော် လှုပ်ရှား သွားလာ နိုင် သည့် မြစ်သုံးဆိုင် နေရာ တစ်ဝိုက်ကို ဂြိုဟ်တု ပုံရိပ် အရ ရေကြောင်း ရွေ့လျား မှုနှင့် သဲနုန်း အနည်ထိုင်မှု အပေါ် အခြေခံလျက် ရှာဖွေ ရေး နယ်နိမိတ် သတ်မှတ် ဆောင်ရွက်ခဲ့သည်။ စိတ်ဝင်စားဖွယ်ရာ ပစ်မှတ်များ လည်း တွေ့ရှိ ခဲ့ သည်ဟု သိရသည်။ ခေါင်းလောင်းတော် ကြီး အနီးတွင် ရေယာဉ်ပျက်များ၊ သစ်ဖောင် ပျက်များ ဟု ယူဆ ရသော အစိတ်အပိုင်း များ၊ သစ်တုံးများ၊ အခြား စိတ်ဝင်စားဖွယ် ရာ ပစ္စည်းများ ကိုလည်း တွေ့ရှိခဲ့သည်။ ရှာဖွေမှု မှ တွေ့ရှိချက် များကို လည်း စနစ်တကျ စီမံ ဆောင်ရွက် ထားရှိ ခဲ့သည်။

ယခင်က အဆိုပါ ခေါင်းလောင်းတော် ကြီး ရှာဖွေရေး ကို ရန်ကုန်မြို့တော် စည်ပင်သာယာရေး ကော်မတီက ကြပ်မတ် ခဲ့သည်ဟု သိရသည်။ အဖွဲ့ အစည်း အသီးသီးမှ ၀င်ရောက်ရှာဖွေ ရေး လုပ်ငန်းများ လုပ်ဆောင် ခဲ့ကြ သော်လည်း နည်းပညာပိုင်း အားနည်း မှုကြောင့် ရလဒ် တိတိကျကျ မပေါ် ပေါက်ခဲ့ပေ။

အချက်အလက်များ စုဆောင်း

သို့သော် ယနေ့ အထိ ပထမအကြိမ်နှင့် ဒုတိယအကြိမ် ရှာဖွေခဲ့ သောအဖွဲ့မှ ရေငုပ် ခေါင်းဆောင် ဦးကြိုင် ဆိုသူမှာ ခေါင်း လောင်းတော်ကြီးအား စမ်းမိ ထိတွေ့ ခဲ့သည် ဟု ရေးသား ဖော်ပြဆဲ ဖြစ်ပါသည်။ ANIMAX အဖွဲ့ ခေါင်းလောင်းတော် ရှာဖွေရေး လုပ်ငန်း အတွက် သတင်း အချက်အလက် စုဆောင်း ပြင်ဆင်ရာ၌ အထက် ဖော်ပြပါ ဦးကြိုင်အား အစည်းအဝေး တွင် ဖိတ်ကြား ဆွေးနွေး ဖူးပါ သည်။ ဦးကြိုင်က သူ့အနေဖြင့် ပထမ အကြိမ်နှင့် ဒုတိယအကြိမ် ရှာဖွေရေး လုပ်ငန်း တွင် ရေငုပ်ခဲ့ပါကြောင်း၊ တစ်ကြိမ် တစ်ခါမျှ ခေါင်းလောင်း တော်အား ထိတွေ့ စမ်းသပ် နိုင်ခဲ့ခြင်း မရှိဖူးကြောင်း သိရသည်။

Applied Geology Department မှ ကထိက ဦးစိုးသိန်း နှင့်အဖွဲ့ တင်သွင်း ခဲ့သော သမိုင်းဝင် မြေမြုပ် နေသော ကြေးခေါင်း လောင်းတော်ကြီး (၂၉-၅-၁၉၉၇၊ ၉-၆-၁၉၉၇) မှာ Geophysical Method , Geochemical Method အရ ခွဲခြမ်းစိတ် ဖြာ၍ Sampling Areas တည်နေရာပါ GPS စနစ် အသုံးပြု ဖော်ပြ ထားသဖြင့် ရှာ ဖွေရေး အတွက် အထူး အထောက်အကူ ပြု သော စာတမ်းတစ်စောင် အဖြစ် မှီငြမ်း အသုံးပြု ခဲ့ကြောင်း ခေါင်းလောင်းတော်ကြီး ရှာဖွေရေး အဖွဲ့မှ တာဝန်ရှိသူ တစ်ဦးက ပြော သည်။ ယခု လုပ်ငန်းသည် ဓမ္မစေတီမင်း ခေါင်းလောင်းတော်ကြီး ရှာဖွေမှု အတွက် ပထမအဆင့် လုပ်ငန်း ဖြစ်ကြောင်း၊ ရှေ့ ဆက် လုပ်မည့် အစီအစဉ်များကို လတ်တ လောတွင် ညှိနှိုင်း ဆောင်ရွက် နေဆဲ ဖြစ် ကြောင်း၊ တည်နေရာ အမှန် ရရှိပြီး အထောက် အထား ခိုင်လုံမှု ရရှိသည့် အထိ ဆောင်ရွက် သွားရန် အစီအစဉ် ရှိကြောင်း သိရသည်။

ခေါင်းလောင်းတော်ကြီး ယခင်ရှာဖွေရေးလုပ်ငန်းများ

၁၉၈၇ ခုနှစ်၊ ဇန်န၀ါရီ ၂၈ ရက်မှ ဖေဖော်ဝါရီ ၉ရက်အထိ ဦးကြိုင် ခေါင်း ဆောင်၍ ဦးတင်ရွှေ၊ ဦးစိုးလွင်တို့ သုံးဦး သည် ခေါင်းလောင်းတော်ကြီးကို ရေငုပ် ရှာဖွေမှု ပြုလုပ်ခဲ့ကြသည်။ ဒုတိယအကြိမ် အဖြစ် ၁၉၈၉ ခုနှစ်၊ ဇူလိုင် ၅ ရက်မှ ၂၇ ရက်အထိ ထပ်မံ ရှာဖွေ ခဲ့ကြောင်း သိရသည်။

၁၉၉၀ ပြည့်နှစ်နှင့် ၁၉၉၂ ခုနှစ်တို့တွင် ပုဂ္ဂလိက အဖွဲ့များက ခေါင်းလောင်းတော် ကြီးကို လာရောက် ရှာဖွေမှု ပြုလုပ် ခဲ့သေး သည်။ အမေ ရိကန် ရေငုပ်သမား ဂျင်ဘရန့် ဆိုသူကလည်း ၁၉၉၅ ခုနှစ်၊ ဒီဇင်ဘာတွင် တစ်ကြိမ်၊ ၁၉၉၇ ခုနှစ် မတ် ၂၉ရက်မှ ဇွန်လအထိ တစ်ကြိမ် စုစု ပေါင်း နှစ်ကြိမ် တိုင်တိုင် ရေငုပ် ရှာဖွေမှုများ ပြုလုပ် ခဲ့ကြောင်း သိရသည်။ ၁၉၉၇ ခုနှစ်အတွင်း ခေါင်း လောင်းတော် ရှာဖွေရေး ကော်မတီမှ တာဝန် ပေးခဲ့သည့် ကထိက ဦးစိုးသိန်းမှ တိုင်းတာ မှုများ ပြုလုပ်စဉ် ရေငုပ်သမား ဂျင်ဘရန်က နှစ်ကြိမ်တိုင် ရေငုပ်ရှာဖွေ ကူညီ ခဲ့ရာတွင် ခေါင်းလောင်းတော်ကြီးမှာ မြေကြီး အောက် ၁၂ ပေခန့် မြုပ်နေသောကြောင့် သံပိုက်လုံး ဖြင့်ထိုးပြီး စမ်းသပ် ရှာဖွေ ခဲ့သည်ဟု သိရသည်။

ထို့ပြင် ဦးစံလင်း ဆိုသူကလည်း ၁၉၉၇ ခုနှစ် ဇူလိုင်မှစတင်၍ ခေါင်းလောင်းတော် ကြီးကို အကြိမ်ကြိမ် ရှာဖွေမှု များ ဆောင် ရွက် နေကြောင်း သိရသည်။

အချုပ်အားဖြင့် သုံးသပ်သော် ခေါင်း လောင်းတော်ကြီး ကို ရှေးယခင် ခေတ်အ ဆက်ဆက် က ပါရမီရှင် များမှ ကြိုးပမ်းရှာ ဖွေ ခဲ့သော်လည်း လက်တွေ့အထောက် အထားဖြင့် တင်ပြနိုင်မှု အတိအကျ မရှိခဲ့ သေးဟု ဆိုရပါမည်။ သို့သော် ယခု ANIMAX အဖွဲ့၏ ကြိုးပမ်းမှုတွင် တိကျသော ပုံရိပ်နှင့် တည်နေရာ များ ဖော်ပြ နိုင်ခဲ့သဖြင့် နောက်အဆင့်ဆင့် ဆက်လက်ဆောင်ရွက် မည့်သူများ အတွက် များစွာ အထောက်အကူ ပြုစေမည် ဖြစ်ကြောင်း သိရသည်။

ခင်နွယ်ဝင်း